स्वनिगलय् वाटर एटीएम सेवा शुरु जुइगु

येँ – काठमाडौं उपत्यका खानेपानी व्यवस्थापन बोर्डया सक्रियताय् न्हापांखुसी येँय् वाटर एटीएम सेवा शुरु जुइत्यंगु दु । वइगु बिहीवाः निसें यलया सैंबुइ च्वंगु बोर्डया परिसरय् वाटर एटीएमया नमूना प्रदर्शन जुइगु खँ बोर्डं धाःगु दु । बोर्डया कथं निश्चित ध्यबा पुलेधुंकाः लः त्वने दइगु अवधारण कथं वाटर एटीएमया शुरु यायेत्यंगु खः ।

थज्याःगु एटीएम न्हापांगु पटक यलया दरवार स्क्वायरय् तयेगु खँ धाःगु दु । वयां लिपा बुलुहुँ स्वनिगःया थीथी थासय् नं विस्तार याना यंकेगु खँ प्रधिकरणं धाःगु दु । एटीएम वाटर सेवा लिपा पसलय् वनाः मिनरल वाटर न्यानाः त्चःनेमाःगु अवस्थाया अन्त्य जुइ । वाटर एटीएम सेवा दक्षिण एसियाय् न्हूगु अवधारणा जूगु खँ नं बोर्डं धाःगु दु ।

एटीएमया लः पूर्ण रुपं त्वने योग्य जुइगु खँ धाःगु दु । अथेहे बोर्डं गठन याःगु टास्क फोर्सं वंगु भदौ निसें असोज तक याःगु अनुगमनं १८ गः ट्यांकरयात स्टिकर बिउगु व मापदण्ड अःखः सञ्चालन जूगु ट्यांकरपाखें ३६ हजार तका जरिवाना याःगु दु ।