किड्स फेसन रनवे क्वचाल
येँ – रेडियन्ट इभेन्ट म्यानेजमेन्ट एजेन्सी प्रा.लि.या ग्वसालय् जूगु नेपाल किड्स फेसन रनवे–२०१८ या उपाधी मिजंतय्पाखे यकिन अर्याल व मिसातय्पाखे ओभिया भण्डारीं त्याकल । अथे हे टाइटल उपाधी त्याकेत सफल ओभियां भ्युअर्स च्वाइसलिसें वेस्ट डान्सरया उपाधी नं त्याकेत सफल जूगु दुसा यकिनं बेस्ट ट्यालेन्टया उपाधि त्याकल ।
उपाधि त्याकेत सफल ओभिया व यकिनयात इभेन्टया ग्वसाः खलः रेडियन्ट संस्थापक निर्देशक नापं अन्तर्राष्ट्रिय कोरियोग्राफर राज पैmजु, कार्यकारी निर्देशकलिसें फेसन डिजाइनर श्रीषा वैदार फैजु, किड्स अफ द इयर–२०१८ या उपाधि विजेता संचिता रानामगर, मिसेज डिभा इन्टरनेशनल सरिता शर्मां, किड्स अफ द इयर–२०१८या मिजंपाखे उपाधी विजेता विपिन खड्का, पाण्डव मिडियाया निर्देशक हेमराज सन्तोष खनालं ताज पुइकादीगु खः ।
कासाय् मिजंपाखे फस्ट रनरअप संस्कृति गिरीं वेस्ट इन्र्जेटिक व मिसापाखे फस्ट रनरअप सिम्रन प्रसाईं नं मोस्ट एट्र्ययाक्टिभ टाइटल उपाधि त्याकूगु दुसा मिजंपाखे सेकेन्ड रनरअप नमन मोदी व मिसापाखे स्लेशा शाक्य जुयादिल । नमनं भ्युअर्स च्वाइस नापं वेस्ट डे«सया टाइटल उपाधि त्याकेत ताःलाःगु दुसा स्लेशां वेस्ट वाकया उपाधि त्याकल । कासाय् मुक्कं स्वीनिम्ह मस्तय्गु सहभागिता दुगु खः ।
उगु कासाया निर्णायकमण्डलय् म्येँ हालामि पुण्यम प्रधान, म्येँ हालामि लिसें कलाकार यमन श्रेष्ठ, संकिपा कलाकार सुनिता ठाकुर श्रेष्ठ, कान्तिपुर न्हिपौ स्पोर्ट्स व स्वनिगः ब्युरो प्रमुख हिमेश बज्राचार्य, सिनेमाटोग्राफर लिसें नेवाः फिल्म सोसाईटीया नायः लूजः सिंह च्वनादीगु खः ।
LEAVE YOUR COMMENTS