तथागत भजन मण्डलया तःमुँज्या

येँ – तथागत ज्ञानमाला भजन खलः, ख्वप साःक्वलांया स्वीच्याक्वःगु दँमुँज्या म्हिगः दक्षिणकालीइ क्वचाल । उगु दँमुँज्याया उलेज्या राष्ट्रिय ज्ञानमाला समिति, नेपालया नायः रमना श्रेष्ठं यानादीगु खः ।दँमुँज्याय् तिनाछेँ दाफा भजन खलःया नायः आशलाल मानन्धर, फर्पिङ मानन्धर गुथिया नायः बुद्धिलाल मानन्धर, ख्वप नगरपाकिा वडा नं. ३ या पुलांम्ह वडाअध्यक्ष विष्णुबहादुर मानन्धरं थःथःगु नुगःखँ तयादीगु खः ।

लिसें उगु दँमुँज्यां तुल्सीकाजी मानन्धरया अध्यक्षताय् भजन खलःया न्हूगु ज्यासना पुचःया नं ल्यज्या याःगु खः ।न्हूगु ज्यासना पुचःया मेपिं पदाधिकारीइ उपाध्यक्ष मंगलबहादुर मानन्धर, सचिव बाबुकाजी मानन्धर, सह सचिव न्हुछेमाया मानन्धर, कोषाध्यक्ष आशामरु मानन्धर व सह कोषाध्यक्ष अष्टलाल मानन्धर च्वनादीगु दु ।

अथेहे दुजलय् ज्ञानबहादुर मानन्धर, पुण्यरत्न मानन्धर, नरराम मानन्धर, रामबहादुर मानन्धर, मिसा दुजः कथं कन्यादेवी मानन्धर, मिना मानन्धर, अमिता मानन्धर व जमुना मानन्धर च्वनादीगु दु ।