पल्यलप्तेय् गय् म्वतिकं ‘कविता’ !
‘पद्म–मिखा’य् खं जिमिसं कविता !
छन्त खनाः थिकुथिकु पं कविता !
छंगु ख्वबिइ हिकुहिकु लं कविता !
छ खः नेवाःतय् ‘मूसः–कविता’ !
छं च्वै घालय् मलमं कविता !
रूपक ब्वैबल्य अति नासलं ली,
छंगु निबन्धय् ‘कवि’ नं कविता !
सुंक च्वनीबल्य चीभाःद्यः थें !
जन–गणतय् छं माःहं कविता !
खिउं त्यलाः जिमि छ्यं क्वछुकूबल्य
छं ध्वाँय् ब्वय्क्यव ल्हाः, दं कविता !
जीवन तिसिनाः छं ‘लः’ बीवं
जुल मांदेय् निंति ‘सगं’ कविता !
जिमि विश्वासय् ‘द्यः’ जुल छ थनिं… !
छं ह्वल थन जंक्व – खतं कविता !
LEAVE YOUR COMMENTS