ब्राजिलया निसःदँ पुलांगु संग्रहालयय् मि च्यात

एजेन्सी- ब्राजिलया राष्ट्रिय संग्रहालय तच्वःगु मि च्याःगु दु । थ्व संग्रहालय ल्याटिन अमेरिकाया छगू तःधंगु व तसकं महत्वपूर्ण संग्रह दुगु ऐतिहासिक संग्रहालय खः । ब्राजिलया टेलिभिजनय् क्यंगु दृश्य कथं संग्रहालय भवनया छचाखेरं मि न्यना वनाच्वंगु दु । निगू करोड सामग्री दुथ्यानाच्वंगु थ्व संग्रहालयय् गथे यानाः मि च्यात धयागु सीमदुनि ।

थ्व संग्रहालयं थुगुसी तिनि संचालनय् वःगु निसःदँ न्यायेकूगु खः । गुगुं इलय् पोर्चुगलया राजपरिवार नं च्वनेगु याःगु दरवारयात हे संग्रहालय् दयेकातःगु खः ।

सन् १८१८ य् नीस्वंगु थ्व संग्रहालयय् की, जीवावशेष, उल्कापिण्ड, विशेष कथं संरक्षण यानातःगु शव थेंज्याःगु ज्वलं सहित निसःगुलिं मल्याक ज्वलंत मुंकातःगु दु ।
ब्राजिलया राष्ट्रपति मिसेल टेमेरं ट्विट यासें थ्व ब्राजिलया सकलें नागरिकतय् निंतिं दुःखया न्हि जूगु खँ धाःगु दु ।