प्रधानमन्त्रीपाखें स्थानीय तहया बचाउ

प्रधानमन्त्री केपी शर्मां करया विवादयात कयाः स्थानीय तहया बचाउ यानादीगु दु । बुधवाः विराटनगरय् पत्रकारत लिसे खँल्हाबल्हा यासें प्रधानमन्त्री शर्मां संविधान कथं काःगु करयात कयाः बढेचढे यानाः चर्चा जुयाच्वंगु खँ धाःगु दु ।

वय्कलं गनं गनं कमजोरी जूगु जुइफु, तर आः चर्चा जुयाच्वंगु माःगु स्वयां अप्वः खः धयादीगु खः । थ्व झ्वलय् वय्कलं संविधानं बियातःगु अधिकार हे फुक्क स्थानीय तहं प्रयोग याःगु धासें स्थानीय तहया बचाउ यानादीगु खः ।

‘संविधानय् हे स्वंगुलिं तहया सरकारं छु ज्या यायेगु धकाः न्ह्यथनातःगु दु । स्थानीय तहयाके नं कर कायेगु अधिकार दु । उकिया प्रयोग जुल जुइ । साइकलय् कर काल धकाः चर्चा जुयाच्वंगु दु । पसः चायेकाः कारोवार याःबलय् कर काल जुइ । छु साइकल हे मालाः मालाः कर काःगु खः ला ?’ प्रधानमन्त्री शर्मां न्ह्यसः तयादीगु दु ।

नेपालभाषा टाइम्स

च्वमिया मेमेगु

• विश्व सांस्कृतिक उत्सव–२०२३ नेपाःया ज्वःमदुगु प्रस्तुति
• क्रिकेटय् नेपाः भारतलिसे बुत, ब्याडमिन्टनय् त्यात
• परोपकारया ७७ क्वःगु स्थापना दिवस
• मरुसतः पुनःनिर्माणया प्रतिवेदन लःल्हात
• भीआईपी लागाय् पुलुकिसि वने मदु !