जाजरकोटय् लाखेप्याखं शुरु

येँ – दुर्गम पहाडी जिल्ला जाजरकोटय् लाखे प्याखं हुइकेगु शुरु जूगु दु । थनया लाखे प्याखं सत्या दँ स्वयां नं पुलांगु इतिहास दु । जाजरकोटया तत्कालीन जुजु उपेन्द्रविक्रम शाहं नेवाः समुदायपाखें लाखे प्याखं हुइकेगु चलनया शुरुवात याःगु इतिहास दु ।

जिल्लाया दक्वं समुदायं लाखे प्याखंयात थःपिनिगु मंकाः पर्वया रुपय् कायेगु याना हःगुलिं थ्व सकसिगुं सम्पत्ति थें जुया बिउगु दु । इतिहासकथं तत्कालीन जाजरकोटी जुजुं ख्वपया नेवाःतय्पाखें मनोरञ्जनया निंतिं धकाः लाखे प्याखं हुइकेगु चलन शुरु याःगु खः ।

थौं स्वयां सत्या दँ न्ह्यः गोविन्दमान भँडेलं शुरु याःगु लाखे प्याखं थौं वयाः जाजरकोटया छगू मौलिक, परम्परागत व सामाजिक सद्भाव ब्वलंकीगु प्याखं रुपय् सकसिनं कायेगु याना हयाच्वं स्थानीय दिनेश श्रेष्ठं कनािदल । दँय्दसं गथांमुगःचः¥हे लिपा थन लाखे प्याखं हुइकेगु चलन दु । जिल्लाया सकसिनं थःगु सम्पत्तिया रुपय् महत्व बियातःसां बुलुहुं थ्व प्याखं संकटय् लानावनाच्वंगु दु ।

सम्बन्धित बुखँ

LEAVE YOUR COMMENTS