श्रेष्ठ मिखा तग्वः समाजया झिंप्यक्वःगु तःमुँज्या

येँ – श्री श्रेष्ठ मिखा तग्वः स्वां सेवा समाज शखरापुर (सक्व) येँया झिंप्यक्वःगु तःमुँज्या जुल । समाजया नायः ललितनारायण श्रेष्ठया सभापतित्वय् उगु तःमुँज्या जूगु खः । ज्याझ्वलय् संस्थाया मू दुजः भक्तिनाथ श्रेष्ठं लसकुस यानादीगु ज्याझ्वलय् निमित्त छ्यांजे नापं दांभरिं माधवनारायण श्रेष्ठं प्रगति विवरण नापं आर्थिक दँ २०७५÷०७६ या बजेट व ल्याःचाः न्ह्यब्वयादीगु खः ।

९८ दँ दुम्ह सुवर्ण लक्ष्मीया विशेष उपस्थिति दुगु ज्याझ्वलय् संस्थाया सल्लाहकार पुष्पमुनि वज्राचार्य, सूर्यबहादुर श्रेष्ठ, आजीवन सदस्य बिजुमैया श्रेष्ठ, न्वकु मोतिरत्न तुलाधर, लक्ष्मीलाल श्रेष्ठ लगायतं संस्थां वइगु दिनय् यायेमाःगु थीथी पक्षयात कयाः थःथःगु विचाः तयादीगु खः ।

थनया प्रभात माध्यमिक विद्यालयय् जूगु ज्याझ्वलय् उगु हे विद्यालयय् ब्वनाच्वंपिं मांअबु मदुपिं, असहायनापं गरिब व जेहेन्दारन्याम्ह विद्यार्थीयात म्हति न्यासः तका ल्याखं लःल्हाःगु खः ।

सम्बन्धित बुखँ

LEAVE YOUR COMMENTS