महाकवि सिद्धिदासया बुदिंया लसताय् चिनाखँ मुँज्या
किपू- महाकवि सिद्धिदास महाजुया १५० क्वःगु बुदिंया लसताय् लाकाः नेपालभाषा चिनाखँ मुँज्या जुल । प्रतिभा साहित्यिक परिवारया ग्वसालय् जूगु थुगु ज्याझ्वः न्हय्खुक्वःगु खः ।
संस्थाया नायः ज्ञानबहादुर महर्जनया सभापतित्वय् जूगु ज्याझ्वलय् डा. तुयुबहादुर महर्जन मूपाहांकथं झायादीगु खःसा सिद्धिदास स्मृति समाजया छ्यांजे दीपक तुलाधर, संस्थाया संस्थापक नायः नापं संरक्षक राजभाई जकःमि विशेष पाहांकथं झायादीगु खः ।
चिनाखँ मुँज्याय् शंखनारायण नापित, रामभक्त महर्जन, राजेन्द्र महर्जन, नरेन्द्रमान महर्जन, अर्जुन महर्जन, सुवर्ण महर्जन, दिलकुमारी डंगोल, अर्जुन नेपाःमि, शिवप्रसाद श्रेष्ठ, पि.के. श्रेष्ठ, शालिग्राम महर्जन, विकास महर्जन व नरेश मान महर्जनं थःथःगु रचना पाठ यानादीगु खः ।
संस्थाया संरक्षक जकःमिं महाकवि सिद्धिदासं थःगु जीवनया अन्तिम इएलय् तक नं अतिकं दुःख सीमाःसां थःगु मांभाय् व जातिया निंतिं आपालं साहित्यया सपूm च्वयाः नेपालभाषा साहित्यया धुकू जायेकेगु ज्या यानादीगुलिं नेवाःतय् निंतिं गर्वया विषय जूगु खँ कनादिल ।
LEAVE YOUR COMMENTS