दक्षिण कोरिया वनीपिं मिस्तय् ल्याः म्हो

येँ – वंगु झिदँ दुने इपिएस मार्फत ज्या याःवंपिं नेपाली मध्ये स्वद्वःत्या मिस्त दक्षिण कोरियाय् थ्यंगु दु । सन् २००८ निसें आःतकया दुने स्वद्वः व ३९७ म्ह मिस्त दक्षिण कोरिया थ्यनेधुंकूगु खँ इपिएस शाखाया प्रवक्ता शोभाकार भण्डारीं धयादीगु दु । इपिएस शाखाया तथ्यांक कथं इपिएस मार्फत आःतक ५२ हजार २४० म्ह मिजंत दक्षिण कोरियाय् थ्यंगु दु ।

दक्षिण कोरियाया निंतिं मिजंतय्सं स्वयां मिस्तय्सं तसकं म्हो जक आवेदन बिइगु यानाच्वंगु खँ इपिएस शाखाया प्रमुख कृष्णप्रसाद खनालं धयादिल । थुगुसी नं ८५ प्रतिशत मिजंतय् व १५ प्रतिशत मिस्तय् आवेदन लाःगु खँ वय्कलं कनादिल ।

थौंकन्हय् न्हापा स्वयां छुं भचा अप्वः मिस्तय् आवेदन वयाच्वंगु खँ नं वय्कलं धयादिल । वय्कःया कथं मेमेगु देशय् स्वयां अप्वः परिश्रम यायेमाःगुलिं नेपाली मिस्तय् आवेदन म्हो जूगु खः ।

सम्बन्धित बुखँ

LEAVE YOUR COMMENTS