ने. सं. ११४४ ञलाथ्व नवमी -

भिक्षु धम्ममूर्तिया अध्यक्षताय् बुद्धजयन्ती मूल सामारोह समिति

येँ- बुद्ध संवत् २५६२ क्वःगु स्वांयाःपुन्हि तःजिक हनेगु निंतिं समारोह समिति नीस्वंगु दु । शान्ति नायक शाक्यमुनि गौतम बुद्धया जन्म, सम्बोधिज्ञान लाभ व महापरिनिर्वाण जुयाबिज्याःगु २६५२ क्वःगु स्वांयाःपुन्हि देय्न्यंकं थीथी ज्याझ्वः यासें तःजिक हनेत भिक्षु धम्ममूर्ति महास्थविरया अध्यक्षताय् मूल सामारोह समिति नीस्वंगु खः ।

समितिइ न्याम्ह उपाध्यक्षय् भिक्षु कोण्डन्य, रमेश मानन्धर, गौतम शाक्य, गुह्यरत्न शाक्य, शंकरराज सिंह महासचिवय् संघरत्न शाक्य, सचिवय् रविनारायण मानन्धर, सहसचिवय् गौतम मानन्धर, कोषाध्यक्षय् स्वयम्कृष्ण मानन्धर, सहकोषाध्यक्षय् भाइराजा मानन्धर च्वनादीगु दु ।

अथे हे समितिया कार्यकारिणी दुजलय् धम्मवती गुरुमां, भिक्षु बोधिज्ञान महास्थविर, लामा थुप्तेन जिग्दोल (फुपु छेम्बे शेर्पा), डा. लक्ष्मण शाक्य, चीजबहादुर गुरुङ, देउबहादुर रानामगर, अष्टमुनि गुभाजु, पूर्णमान तुलाधर, विजयरत्न ताम्राकार, अमृतमान शाक्य, पुष्पराजन शाक्य, काहिँली रंजित, प्रदीप मानन्धर, मय्जु अनार ताम्राकार, कृष्णनारायण मानन्धर, मनकाजी शाक्य, भर्णमान शाक्य व सुर्जशोभा शाक्य च्वनादीगु दु ।

थुकथं हे मूल समारोह समितिया ग्वसालय् जुइगु थीथी ज्याझ्वः ताःलाकेत उपसमितित नं नीस्वंगु दु । स्वांयाःपुन्हि कुन्हु जुइगु मूज्याझ्वःलिसें थ्व झ्वलय् जुइगु थीथी ज्याझ्वः ताःलाकेया निंतिं नीस्वंगु उपसमितिइ भिक्षु धम्ममूर्ति–सं.रा.संघ परिसर बुद्धजयन्ती, भिक्षु कोण्डन्य–स्मारिका प्रकाशन व संचार माध्यम समन्वय, भिक्षु पियदस्सि–स्वयमसेवक, भिक्षु सरणंकर–समारोह प्रबन्ध व विहार श्रृंगार, भिक्षु नारद–अस्थिधातु प्रदर्शसन, अनगारिका श्रद्धाचारी–धर्मदेशना, प्रयागराजसिंह सुवाल–अतिथि सत्कार, लक्ष्मीदास मानन्धर–अस्थिधातु यात्रा, जुजुकाजी महर्जन–खाद्य व्यवस्थापन, भाइराजा मानन्धर–अर्थ सङ्कलन, संघरत्न शाक्य–पात्रो प्रकाशन, शंकरराज सिंह–रक्तदान, देवनारायण महर्जन–जलपान व बेटी वज्राचार्य बौद्ध कवि गोष्ठीया संयोजक जुयादीगु दु ।

मूल समारोह समितिया धर्मानुशासकय् संघनायक भिक्षु अश्वघोष महास्थविर, संघ उपनायक भिक्षु ज्ञानपूर्णिक महास्थविर, भिक्षु बोधिसेन महास्थविर, भिक्षु सुमेध महास्थविर, गुरु काल्साङ लामा व बुद्धरत्न वज्राचार्य दीसा समितिया सल्लाहकारय् भिक्षु मैत्री महास्थविर, भिक्षु भद्दिय महास्थविर, प्रयागराजसिं सुवाल, प्रा. सुवर्ण शाक्य, लक्ष्मीदास मानन्धर, नानीभाइ स्थापित, श्यामकृष्ण मानन्धर, केदार शाक्य व स्वस्तिरत्न शाक्य च्वनादीगु दु ।