मेलम्चींं यानाः येँ मनपाया निःशुल्क इन्टरनेट सेवा अवरुद्ध

येँ – मेलम्ची लःया आयोजनां यानाः येँ महानगरपालिकां तःगु निःशुल्क इन्टरनेट सेवाय् लिच्वः लानाच्वंगु खँ धाःगु दु । मेलम्ची आयोजनां पाइप लायेगु झ्वलय् इन्टरनेटया तार चाना बिउगुलिं इन्टरनेट चले मजूगु खँ सीदुगु दु ।

महानगरपालिकां छुं न्हि न्ह्यः जक नगरया न्हयगू थासय् निःशुल्क इन्टरनेट सेवा सुरु याःगु खः ।

महानगरपालिकाया सूचना प्रविधि महाशाखाया प्रमुख धु्रव काफ्लें छुं थासय् इन्टरनेट सेवा दिनाच्वंगु खँ धासें याकनं हे सेवा न्ह्याइगु खँ धाःगु दु । स्वला न्ह्यः जक येँ मनपां वल्र्ड लिंक कम्युनिकेशन लिसे सम्झौता यानाः पशुपति, बालाजु उद्यान, शंखपार्क, स्वयम्भू, बौद्ध व हनुमानध्वाखा दरवार क्षेत्रय् निःशुल्क इन्टरनेट सेवा संचालन याःगु खः । थौंकन्हय् थ्व लागाय् १० एम्बपीएस क्षमताया इन्टरनेट सेवा बिया वयाच्वंगु दु ।