येँ – मेलम्ची खानेपानी आयोजनय् मू ठेकेदारया निंतिं ज्या यानाच्वंपिं पीप्यंगू सहायक ठेकेदारपिंसं १ अर्ब ५० करोड भुक्तानी मबिल धाःसा ज्या दिकेगु ख्याच्वः बिउगु दु । मंगलवाः येँ पत्रकार सम्मेलन यासें उमिसं सरकारया कारण थःपिंत ठेकेदारपाखें भुक्तानी मवःगु धासें तत्काल ध्यबा मबिल धाःसा ज्या दिकेगु ख्याच्वः बिउगु खः । सहायक ठेकेदार पिंसं सीएमसीपाखें थ्यं मथ्यं १ अर्ब […]

येँ – राष्ट्रिय प्रहरी प्रशिक्षण प्रतिष्ठान महाराजगंजं प्रहरी प्रधान ज्याकू सवारी महाशाखाया नीगूगु पुचःयात हलुका सवारी तालिम बिउगु दु । महाशाखाया प्रमुख वरिष्ठ प्रहरी उपरीक्षक ई नरोत्तमलाल प्रधानं वंगु सोमवाः उगु तालिमया उलेज्या यानादीगु खः । तालिमया उलेज्या यासें सीमित स्रोत व साधनया बावजुद नं तालिमयात उपलब्धिमूलक दयेका यंकेमाःगु खँय् बः बियादिल । प्रहरी नायव […]

येँ – गु मुँज्याय् गठबन्धनय् आवद्ध न्हय्गुलिं जनजाति पार्टीया प्रतिनिधितय् उपस्थिति दुगु खः । मुँज्याय् पार्टीया भावी रणनीतियात कयाः वृहत रुपं सहलह जूगु खःसा जनजाति पार्टीत एकतावद्ध जुयाः वनेमाःगु खँय् बः बिउगु खः । लिसें उगु मुँज्याय् थीथी झिंछगू पार्टीं थीथी थासय् मंकाःकथं न्ह्याकूगु कोणसभा व आमसभायात कयाः नं समीक्षा याःगु खः । अथे हे उगु मुँज्याय् आः […]

येँ – नेपालभाषा संकिपा समाजया ग्वसालय् थनिं निदँ न्ह्यः क्वचाःगु नेपालभाषा फिल्म फेस्टिभलया समापन ज्याझ्वः व न्हूदँ सनिल ११३९ सांगीतिक ज्याझ्वः थ्वहे पुस २१ गते शनिवाः यायेगु छगू पत्रकार सम्मेलनया यासे जानकारी बिउगु दु । समाजया नायः सुरेन्द्र तुलाधरं बियादीगु जानकारीकथं उगु हे ज्याझ्वलय् नेपालभाषाया संकिपा, संगीत व कला ख्यलय् ज्वःमदुगु योगदान बियादीपिं निम्ह कलाकार […]

कलाःम्ह सुथ न्हापां न्ह्यलं दनेवं नापं द्यनाच्वंम्ह भाःतयात थनाः धाल— ‘न्यनादिसँ सा ! थौं जिं गज्याःगु बांलाःगु म्हगस म्हंगु ।’ ‘अपाय्सकं बांलाःगु छु म्हगस म्हंगु ले’— भाःतम्हं न्यन । ‘जिं छु म्हगस म्हंगु धाःसां नि’— कलाःम्हं धाल— ‘छिं जिगु निंतिं हिराया माः ज्वनाः वयाच्वंगु का ।’ ‘ए ऽऽऽ ! अथे ला’—भाःतम्हं धाल— ‘का, अय्सा हाकनं छक्वः द्यँ, अले व हारमा […]

येँ – पासा पुचः गुथि युके लन्दनं यःमरि पुन्हि हंगु दु । वंगु थिंलाथ्व पुन्हि (यःमरि पुन्हि)कुन्हु उगु ज्याझ्वः याःगु खः । संस्थाया ग्वसालय् निक्वःखुसी यःमरि पुन्हिया ज्याझ्वः जूगु खः । सछि स्वयां अप्वः मनूतय् सहभागिता दुगु ज्याझ्वलय् २२५ गः यःमरि दयेकाः सकसितं इना बिउगु खः । यःमरिपुन्हिया लसताय् जूगु उगु ज्याझ्वलय् यःमरि पुन्हिया सांस्कृतिक महत्वया जानकारी नं बिउगु […]