ने. सं. ११४६ अनलाथ्व दशमी -

नेपालभाषा संकिपा समाजं जोशी व मल्लयात हनिगु

येँ – नेपालभाषा संकिपा समाजया ग्वसालय् थनिं निदँ न्ह्यः क्वचाःगु नेपालभाषा फिल्म फेस्टिभलया समापन ज्याझ्वः व न्हूदँ सनिल ११३९ सांगीतिक ज्याझ्वः थ्वहे पुस २१ गते शनिवाः यायेगु छगू पत्रकार सम्मेलनया यासे जानकारी बिउगु दु ।

समाजया नायः सुरेन्द्र तुलाधरं बियादीगु जानकारीकथं उगु हे ज्याझ्वलय् नेपालभाषाया संकिपा, संगीत व कला ख्यलय् ज्वःमदुगु योगदान बियादीपिं निम्ह कलाकार म्येँ हालामिलिसें कलाकार नगीना जोशी व कलाकार महन्तलाल मल्लयात विशेष सम्मान नं याइगु जूगु दु ।

नापं उगु हे ज्याझ्वलय् रत्नशोभा महर्जन, दिपा महर्जन, नेपाः सुपरस्टारया दावेदारपिं रुपेन श्रेष्ठ थक्वाः, सुरज ब्यञ्जनकार, रजनी खड्गी, यमन श्रेष्ठ, किशोर शाही, अमर चित्रकार, नील शाक्य, रञ्जना सितिखु पिंसं थःथःगु सांगितिक ब्वज्या याइगु जूगु दु ।