येँ – नेपाःया राष्ट्रिय टिमं बगबन्धु गोल्डकप म्हितः वनेमाःगु जूगुलिं न्यादँ लिपा न्हापांखुसी जुइत्यंगु ए डिभिजन लिगया खेल तालिकाय् हिउपाः हःगु दु । अखिल नेपाल फुटबल संघ (एन्फा), लिग कमिटीया पदाधिकारी व ए डिभिजन क्लबया प्रतिनिधितय् दथुइ सोमवाः जूगु सहलह लिपा लिगया खेलतालिकाय् हिउपाः हयेगु सहमति याःगु खः । आः न्हापा क्वःछिनातःकथं असोज १३ गते हे लिग […]

येँ –  नेपाल एकायन कराते संघ, कंकेश्वरी शाखाका ग्वसालय् असोज ६ गते शनिवाः कुन्हु येँ वडा नंं. १९, मरुहितिइ च्वंगु शान्ति निकुञ्ज मा. वि. या ख्यलय् प्यक्वःगु कंकेश्वरी अन्तरविद्यालय एकायन कराते कासा जुल । येँ महानगरपालिकाया उपमेयर मय्जु हरिप्रभा खड्गी श्रेष्ठया मू पाहांकथं झायादी उगु कासाय् येँया थीथी विद्यालयया मुक्कं १२० म्ह कासामिपिंसं ब्वति काःगु खः । […]

राजु ः जितः थौं छकः हाकनं करिश्मायात चुप्पा नये मास्ति वयाच्वन । कृष्ण ः छु …. ऽऽऽ ! अय्सा छं न्हापा नं करिश्मायात चुप्पा नयेधुंगु का मखुला ? राजु ः मखु, मखु, । न्हापा नं छक्वः थथे इच्छा जक जूगु खः । ह्ह्ह् गौरी मल्ल ः छं स्वयां जिके अप्वः फ्यान दु । करिश्मा ः थ्व छु खः जुल धकाः । जिगु […]

येँ – येँ महानगरपालिकाया उपमेयर हरिप्रभा खड्गीं नेवाः सांस्कृतिक मौलिक बाजं संरक्षण व संवद्र्धन यायेमाःगु खँय् बः बियादीगु दु । लिसें वय्कलं महानगरपालिकां संस्कृति संरक्षणया निंतिं बजेट फ्यानातयागु दु धकाः नं धयादिल । संस्था दर्ता यानाः मनपां फ्यानातःगु बजेट उपयोग यायेत नं वय्कलं बः बियादिल । येँयाः पुन्हिया लसताय् नायः खिंबाजं खलकं येँया मरुध्वाखाय् जूगु नेवाः सांस्कृतिक बाजं […]

येँ – येँयाःया झ्वलय् कुमारिया खः सालीबलय् कुमारिया रथ न्ह्यः न्ह्यः बिज्याइपिं पञ्चबुद्धपिंत गं लःल्हाःगु दु । वसपोलपिंत सुरुची ट्राभल्सया समुद्रमान बज्रााचार्य व रेणु बज्राचार्यपिंसं गं लःल्हानादीगु खः ।येँयाःया कुमारिया खः सालीगु इलय् गणेश व भैरवया रथ लिपा कुमारीया रथ न्ह्यःने बिज्याइपिं न्याम्ह गुरुजुपिंत पंचबुद्धकथं कायेगु याः । वसपोलपिं गं थाथां रथ सालीगु लँपु बिज्याइगु खः । पञ्चबुद्धया न्याताजि […]

भुखाय् ब्वःगु नं झण्डै प्यदँ दइन, अय्नं स्वनिगः दुनेया हे प्राचीन, ऐतिहासिक, सांस्कृतिक व पुरातात्विक महत्वया सहर सक्वय् धाःसा आतक नं निजी छेँखात पुनःनिर्माण जुइ फयाच्वंगु मदु । वि.सं. २०७२ या तःभुखाचं प्राचीन सहर सक्व बजाःया मौलिक शैलीया आपालं छेँखा क्षतिग्रस्त जुल । आतकया दुने भुखाचं क्षति जूगु छेँखा दनेगु ज्या क्वचायेमाःगु खः । तर, थन पुनःनिर्माणया ज्यां […]