साहित्य

यल – नेपालमण्डल साहित्य प्रतिष्ठानया ग्वसालय् वंगु शनिवाः छगू वृहत साहित्यिक सम्मेलन नापं हनाज्याझ्वः जुल । प्रतिष्ठानया नायः बद्री बेदनाया सभापतित्वय् जूगु ज्याझ्वलय् नेपालभाषाया नांजाःम्ह म्येँ हालामि जगमोहन वामि मूपाहांकथं झायादीगु खः । साहित्य सम्मेलनय् नेपालभाषाया न्हूपिं व पुलांपिं यानाः पीम्ह स्वयां अप्वः साहित्यकारतय्सं थःथःगु रचना पाठ यानादीगु खः । ज्याझ्वलय् राजभाई जकःमि, मंगलनारायण जोशी, श्याम ‘आशा’ कायस्थ, […]

धर्मरत्न ‘यमि’ महान क्रान्ति–वाहक झी कवि झलल खैच्वन न्यंक जगतय् वैगु जीवनया जति । म्ह्याय् मचा झी भृकुति लानिं बौद्ध–ध्वाँय् ब्वयेकूगु देय् अरनिकों नेवाः कलाकृति स्वान थें ह्वय्कूगु देय् खः व ‘ल्हासा’ धर्मरत्नं ल्याय्म्ह जीवन पाःगु देय् झी लिसे आदिं निसें हे ला व लुसि थें स्वाःगु देय् । उगु सँदेया दिब्य–ज्ञानं मन–लुखा वं चायेकल […]

येँ – नांजाःम्ह उद्यमि लिसें कवि बसन्त चौधरीं थःगु ६१ दँ बुन्हिया लसताय् थःगु कविता मुना ‘वसन्त’ छक्वलं गुंगू भासं अनुवाद यानाः म्हिगः विमोचन यानादिल । थ्व गुंगू सफू मध्ये खस नेपाली भाषाया नेपाल प्रज्ञा प्रतिष्ठानया कुलपति गंगाप्रसाद उप्रेति, नेपालभाषाया जनकवि दुर्गालाल श्रेष्ठ, अंग्रेजीया भुवन ढुंगाना, मैथिलीया डा. रामअवतार यादव, भोजपुरीया ध्रुवचन्द्र गौतम, हिन्दीया डा. उषा […]

नेपाःया ‘साहित्य शिरोमणि’ झीम्ह महाकवि चित्तधर थीथी सृजना–स्वां ह्वय्काः वं झःझः धाय्कल जाति–क्यब । मांभाय् हे झी ज्यान धकाः वं पलाःपतिं नाय्खिं च्वय्काः राष्ट्र च्वन्ह्याकाः वन ‘नेपाल भाषा परिषद’ हे दय्काः जीवनजक हे बिल मखु झीत बिल थः सर्बय् छेँबुँतक नेपाःया ‘साहित्य शिरोमणि’ झीम्ह महाकवि चित्तधर । अहो ! गजाःगु व राणाया ई मांभासं छुं […]

सिद्धिदास महाजु झी लँय् जः जुयाः गुम्ह खैच्वन खः महाकवि खः व झीम्ह गर्व–स्वां गुगु ह्वैच्वन । ख्युंजलय् हे थःत च्याकाः लूम्ह खः व बिहांचुलि काब्य–तुफिचां कंत चीकाः न्ह्याःम्ह खः व महाकवि उगु इलय् वं ल्हाःगु सासः क्वाक्क अझ बाः वैच्वन सिद्धिदास महाजु झी लँय् जः जुयाः गुम्ह खैच्वन । झीत ‘सज्जन हृदयाभरणं’ म्वाय्गु मन्तर […]

येँ -थ्वहे वइगु मार्च २१ तारिख कुन्हु (चैत ७ गते) विश्व कविता दिवस नेपालय् नं न्यायेकीगु जूगु दु । थुगुसी लिजः नेपालभाषा कविता दबू व नेपाःस्थित ब्राजिल राजदूतावासया मंकाः ग्वसालय् यल ध्वाखाय् च्वंगु यलमाया केन्द्रय् याइगु ग्वसाः दु । थुगुसी अन्तर्राष्ट्रिय रुपं हे थ्व दिवस हनेगु ग्वसाः कथं ज्याझ्वलय् नेपाःस्थित भारत, चीन, श्रीलंका, जर्मनी, फ्रान्स, जापान, इजरायल […]