विश्व कविता दिवस हनीगु

येँ -थ्वहे वइगु मार्च २१ तारिख कुन्हु (चैत ७ गते) विश्व कविता दिवस नेपालय् नं न्यायेकीगु जूगु दु । थुगुसी लिजः नेपालभाषा कविता दबू व नेपाःस्थित ब्राजिल राजदूतावासया मंकाः ग्वसालय् यल ध्वाखाय् च्वंगु यलमाया केन्द्रय् याइगु ग्वसाः दु ।

थुगुसी अन्तर्राष्ट्रिय रुपं हे थ्व दिवस हनेगु ग्वसाः कथं ज्याझ्वलय् नेपाःस्थित भारत, चीन, श्रीलंका, जर्मनी, फ्रान्स, जापान, इजरायल आदि देशया राजदूतावासतय्त नं ब्वति कायेत पौ च्वया छ्वःगु दु । ज्याझ्वलय् थीथी देय्या कविता वाचनया ज्या जुइ ।