शुक्रवाःया तँसापौ

कलिउड धका धयातःगु खँय्भाय्या फिल्म ख्यलय् आः ल्याय्म्ह पुस्ताया स्टारतसें थाय् कायेधुंकूगु दु । छगु इलय् बाज्यः वनेधुंकूपिं कलाकारपिंसं ल्याय्म्ह जुयाः म्हितीगु खःसा आः वयाः बाज्यः वंपिं कलाकारपिनिगु थाय् उमिगु उमेरयात ल्वइकथंया भूमिकाय् जक तक्यंगु दु । आः नकतिनिया हे खँ खः की “प्रेमगीत ३”नांयागु फिल्मया निंतिं राजेश हमालयात छगू अज्याःगु हे साइड रोल म्हितेत अफर याःबलय् […]

मंगलमान शाक्य चेस रत्नध्वज जोशी छम्ह चेसया सौखिन कथं चालीसया दशकय् जि ंदकले न्हापां वय्कःनाप हे चेस म्हिताः म्हसिउगु खः । थ्व ई धैगु जिं साहित्यया कखग सयेकेत स्वया च्वनागु ई । जि झिदँ दुबलय्निसें चेस म्हिते सःगु । जिगु समवययाम्ह विश्वनाथन आनन्दया ई नापनापं जिं न चेस म्हिता त्याकावनागु खः सन् असीया दशकय् । आनन्दयातथें जितः नं उबले […]

स्वयं इतिहास साक्षी दु, नेपाःया कला व संस्कृतिया ख्यलय् जक मखु, थ्व देय्या इतिहास निर्माणय् तक नं झी नेवाः जातिं बियावयागु योगदान मेपिं सुनानं बियावःगु योगदाननाप तुलना याये बहः मजू । तर नं थ्व बिडम्बना हे खः, झी थः हे दथुया अन्तर्विरोध व बाह्य अतिक्रमणया कारणं झीगु म्हसीका, झी छम्ह अभियन्ता डा. महेशमान श्रेष्ठजुं धयादी थें, […]

नेवाः फिल्मया यात्रा न्ह्याःगु नं स्वीदँसिबें अप्वः जुइधुंकल । वि.सं. २०४४ सालय् पिदंगु “सिलु” निसें न्ह्याःगु थ्व यात्राय् आःतकया दुने १५० गू ति नेवाः फिल्म पिदने धुंकूगु अनुमान दु । थुकिया ल्याःचाः थुलि हे जुल धका आःतक यकीन यायेफुगु मदुनि । स्वीदँ–स्वीनिदँया थ्व यात्राया दुने आपालं कलाकारतसें नेवाः फिल्म म्हिते धुंकल । उकी मध्ये छुं छुं अज्याःपिं कलाकारतसें नेवाः […]

झीगु म्हय् हि म्हो जुइगु कारण थीथी दु । अप्वः धयाथें मस्त, मिस्तय्त हिया कमी जुइगु एनिमियाया खतरा अप्वः दयाच्वनी । मिस्तय्त थिइमजिउ जुइबलय् हि कुहां वइगु कारणं व गर्भावस्थाय् अप्वः हि मगाइगु समस्या जुयाच्वनी ।थथे हि मगाइबलय् अज्याःगु छुं छुं नसा झीसं नयेमाः, गुकिं झीगु म्हय् हि अप्वयेकाबी, लिसें छुं छुं नसाज्वलंया परहेज नं याये फयेकेमाः । १) […]

छम्ह पतिं नं मनूयात मलेरियाया ल्वगि दयेकाबीफु । जलवायु परिवर्तनया हुनिं थ्व ल्वय्या खतरा झंझं अप्वया वनाच्वंगु दु । चिकित्सकतय् कथं पोथी एनाफिलीज पतिं न्याइगु कारणं थ्व ल्वय् जुइगु खः । मलेरियाया विषाणुपाखें संक्रमित पतिं न्यातकि वं थःगु लाःलिसे विषाणु नं मनूतय् म्हय् छ्वयाबी । मलेरियाया विषाणु म्हय् दुहां वनेवं हिया माध्यमं लिभर तक थ्यनी । अन विषाणु परिपक्व जुइ, […]