स्वनिगः

येँ (नेपालभाषा टाइम्स)- लुँवह धइगु व्यवसाय जक मखु थ्व येँदेय्या अझ धाये थनया नेवाःतय् मौलिक पेशाय् लाः, झीगु थःगु म्हसीकाय् नं लाः । थुकियात व्यवसायया रुपय् जक मकासे प्रशिक्षणया रुपय् नं न्ह्यःने यंकेगु स्वयेमाः । ताकि कन्हय् थ्व ख्यलय् वइपिंसं थुकियात सयेका सीकाः काये फयेमा । झीसं झीगु व्यवसाय लिसे झीगु मौलिक पेशाया नं म्हसीका बीकथं न्ह्याः वनेमाः। […]

ख्वप(नेपालभाषा टाइम्स)÷ थनया मुनि विहारय् छवाःयंकं जूगु ख्वप नगरव्यापी विद्यालयस्तरीय बौद्ध न्ह्यसः लिसः कासाय् बागीश्वरी मावि न्हाप लाःगु दु । बिजं कासाय् बागीश्वरी मावि १०५ ल्याः कयाः न्हाप लाःगु खः । अथेहे पारागन एकेडेमी लिउ व सेक्रेट हर्ट एकेडेमि लियांलिउ लाःगु खः । न्ह्यसःलिसः कासाय् विजयी जुयादीपिंत बागमती प्रदेशया सांसद सुरेन्द्रराज गोसाईनं सिरपाः व दसिपौ लःल्हानादिल । ज्याझ्वलय् वय्कलं […]

येँ (नेपालभाषा टाइम्स)- येँ महानगरपालिकाया शुक्रवाः जूगु नगरसभाय् २३ वडाया वडा अध्यक्ष मचाराजा महर्जनं येँ मनपां हनुमानध्वाखाय् सवारी साधन दुमकायेत बिउगु निर्देशनयात कयाः असन्तुष्टि प्वंकादीगु दु । नगरसभाय् थःगु खँ तयेगु झ्वलय् वडा अध्यक्ष महर्जनं धयादिल, ‘कन्हसंनिसें हनुमानध्वाखा परिसरय् तालं ग्वयेगु निर्देशन बिउगु खनिं, जिपिं प्यंगू वडा व अनया स्थानीय बासिन्दा च्वनाः सहलह यानाच्वनागु दु, समितिलिसे […]

येँ(नेपालभाषा टाइम्स)- तोखा नगरपालिकाया सतकय् प्यसलं मल्याक सतक मत जडान याःगु दु । नगरपालिकां ‘मेयर उज्यालो कार्यक्रम’ अन्तर्गत ४३४ सतक मत जडान याःगु खः । आर्थिक दँ ०७९÷८० लय् उगु ज्याझ्वः अन्तर्गत सतक मतलिसें १३० गः सीसी क्यामरा नं थीथी थासय् जडान याःगु दु । नगरपालिकाया उपप्रमुख मुरारी तामाङं मेयर उज्यालो कार्यक्रम अन्तर्गत तोखा दुनेया थीथी सतकय् सतक […]

किपू (नेपालभाषा टाइम्स)- तःननि दाफा खलःया ग्वसालय् एसइइ व प्लस टुया विद्यार्थीतय् निंतिं शिक्षा अभिमुखीकरण ज्याझ्वः याःगु दु । किपू नगरपालिका १० वडाया सहकार्यय् वडाया हे सनस्टार क्लब व द लोकल्स किपूया सहआयोजनाय् एसइइ व प्लस टुया विद्यार्थीया निंति ‘करिअर टक–२०८०’ शिक्षा अभिमुखीकरण ज्याझ्वः याःगु खः । ज्याझ्वलय् वक्ताकथं झायादीपिं थीथी ख्यःया ल्याय्म्ह व्यक्तित्वपिंसंसफलताया निंतिं थःपिंसं यानागु […]

येँ (नेपालभाषा टाइम्स)- येँ महानगरपालिकां कक्षा ११ य् बीगु छात्रवृत्तिया नितिं वइगु साउन २० गते परीक्षा काइगु जूगु दु । थुकिया नितिं म्हिगःनिसें अनलाइन आवेदन चायेकूगु दु । महानगर अन्तर्गतया शिक्षा विभागं म्हिगः छगू सुचं जारी यासें शैक्षिक सत्र २०८०÷८१ या निंतिं छात्रवृत्तिया निंतिं म्हिगः सुथय् १० बजे निसें साउन १२ गते तक आवेदन चायेकूगु […]