स्वनिगः

येँ – तःभुखाचं क्षति जूगु भृकुटीमण्डल स्थित बुद्ध विहार हानं दयेकीगु जूगु दु । अथे हे ४ करोड तका खर्च यानाः नेपाःया मौलिक शैलीइ बौद्ध छेँ पहलं थ्व विहार दयेकीगु खँ विहार पुनर्निर्माण समितिया अध्यक्ष भिक्षु कोण्डन्यं कना– बिज्यात । न्हूगु भवनय् ३०० म्ह मनूत छक्वलं ध्यान याये छिंगु छेँ, पिनें वइपिं भिक्षुपिं च्वनेगु क्वथा, तालिम, गोष्ठी […]

स्वनिगःया वायु प्रदूषण गुलि ग्यानापु हले थ्व मानव स्वास्थ्यया निंतिं गुलि हानिकारक धयाच्वनेमाःगु खँ मखु । स्वनिगःया वायु प्रदूषण न्हियान्हिथं धइथें अप्वया वनाच्वंगु दु । सतक स्वयां अप्वः मात्राय् दुहां वयाच्वंगु सवारी साधन, अप्वः जनसंख्याया चाप, पुलांगु सवारी साधन, अले थासय् थासय् सतक विस्तार व मेलम्चीया पाइप लायेगु निंतिं म्हुयातःगु सतकया धूया कारणं स्वनिगःया वायु प्रदूषण उच्च […]

यल – थन न्ह्यानाच्वंगु बुंगद्यः जात्राय् हःपाः बीगु ज्या याइपिं सेसे बाज्यापिंसं द्यः जात्रा बहिष्कार याःगु दु । बुंगद्यःया रथ सालीबलय् रथय् च्वय् च्वनाः हस्ते याइपिंत आवश्यक निर्देशन बीगु ज्या उमिसं याये माःगु खः । उपिं विशेष यानाः यलया राजोपाध्यायपिं खः । उकुन्हु बुंगद्यः सालेगु ज्या द्यः रथय् तयाः प्यन्हु दुकुन्हु याये माःगुली थःपिंके मन्यँसें स्वन्हुं हे साला […]

ख्वप – नेपाल मजदुर किसान पार्टीया सचिवनापं प्रतिनिधिसभा सदस्य प्रेम सुवालं ख्वप देय्यात सांस्कृतिक नगर घोषणा यायेत माग यानादीगु दु । सांसद सुवालं ख्वप देय्यात सांस्कृतिक नगर घोषण याकेगु सम्बन्धय् तःक्वः हे अध्ययन व सिफारिस यायेगु ज्या जुइधुंकूसां आतक थ्व ज्या मजूगु धासें असन्तुष्टि नं प्वंकादिल । विश्व सम्पदा दिवसया लसताय् वंगु छुं दिं न्ह्यः ख्वपय् जूगु […]

येँ- विश्व सम्पदा उत्सव मूल समारोह समितिया ग्वसालय् छवाःयंकं न्ह्याःगु विश्व सम्पदा दिवस वंगु शनिवाः क्वचाल । वंगु बैशाख २ गतेनिसें थीथी ज्याझ्वः यासें न्ह्याःगु उत्सवया लिपांगु न्हि वंगु शनिवाः थनया बसन्तपुलिं छगू सांस्कृतिक झाँकी सहितया सम्पदा पदयात्रा यानाः स्वयम्भूइ थ्यंकाः क्वचायेकूगु खः । विश्व सम्पदा दिवसया लसताय् लाकाः येँ महानगरपालिकां विश्व सम्पदाया धलखय् लानाच्वंगु थनया हनुमानध्वाखा […]

किपू – किपूया इतिहासय् उल्लेख जुयाच्वंगु ऐतिहासिक देय् पःखाः (गःपःखाः) आः हानं पुनःनिर्माण याइगु जूगु दु । किपू नगरपालिकालिसे जानाः किपूया स्थानीय जनतां हे थुकिया निर्माण यायेगु सहमति जूगु दु । गोर्खाली जुजु पृथ्वी नारायण शाह निक्वः तक किपुली पराजित जूगुया कारण देय् पखालं दुहां वये मफयाः खः । किपूया सुरक्षार्थ मल्लकालय् दयेकातःगु थ्यंमथ्यं ४ फिट ब्या दुगु […]