स्वनिगः

येँ – थनया न्हू सतकय् च्वंगु जुद्ध वारुणयन्त्र तयातःगु छेँ थुनीगु जूगु दु । वंगु २०७२ वैशाख १२ गते ब्वःगु भुखाचं उगु छेँयात बांमलाक लिच्वः लाकूगुलिं थुनाः पुलांगु हे पहः वयेक न्हूगु छेँ दनीगु खँ धाःगु दु । भवन जीर्ण जूगुलिं मानवीय खतरायात ध्यानय् तयाः उगु भवन थुनाः न्हूगु दयेकेत्यंगु खँ महानगरपालिकां धाःगु दु । मनपां न्हूगु भवन […]

येँ – स्वनिगःया न्यूनतम तापक्रम शून्यय् कुहां वःगु दु । मौसम पूर्वानुमान महाशाखां सोमवाः सुथय् ८ः४५ बजे याःगु रेकर्ड कथं स्वनिगःया तापक्रम ०.५ डिग्री सेल्सियस मापन याःगु खः । तापक्रम कुहां वयेगु क्रम जारी जुयाच्वंगुलिं ख्वाउँगु अझ नं अप्वइगु खँ मौसमविदं धाःगु दु । मौसमविद् समिर श्रेष्ठं प्राकृतिक कारणया लिसें जम्मु कास्मिरं नेपाःपाखे दुहां वःगु ख्वाउँगु फसं तापक्रम […]

रासस- स्थानीय तहलिसे समन्वय व नेपाल प्रहरीया थःगु हे स्रोत परिचालन यानाः स्वनिगलय् निगरानी अप्वयेकेत थप सीसी क्यामरा जडानया निंतिं प्रहरीं आवश्यक प्रक्रिया न्ह्याकूगु दु । सरकारी योजनाकथं क्यामरा जडान यायेत महानगरीय प्रहरी ज्याकू येँय् नं संवेदनशील क्षेत्रया पहिचानया ज्या न्ह्याकूगु खः । अज्याःगु थाय्या पहिचानलिसें आन्तरिक स्रोतपाखें ठेक्का आह्वान यानाः न्हापांगु चरणय् ७५ गू थासय् क्यामरा […]

येँ- संघीय समाजवादी फोरम (ससफो) नेपाल येँ महानगरपालिका ४ वडाया न्हापांगु वडा अधिवेशन जुल । ससफो ४ वडा कमिटीया अध्यक्ष छकबहादुर राईया अध्यक्षताय् जूगु ज्याझ्वःय मूपाहां पार्टीया सहअध्यक्ष राजेन्द्र श्रेष्ठं अधिवेशनया उलेज्या यानादीगु खः । ज्याझ्वलय् नवासें प्रतिनिधिसभाया सांसदतकं जुयादीम्ह पार्टी सहअध्यक्ष श्रेष्ठं जग बल्लाःसा जक छेँ बल्लाइ धासें पार्टीया जग धइगु हे संगठन खः धयादिल । पार्टीं […]

येँ -स्वनिगलय् न्युनतम तापक्रम १ डिग्रीइ कुहां वंगु दु । न्युनतम तापक्रम कुहां वयेगुया लिसें म्हिगः थुगु दँया दकलय् ख्याउँगु खँ धाःगु दु । स्वनिगःया लिसें देय्न्यंकं ख्याउँगु अप्वःगु दु । येँया न्युनतम तापक्रम १.० व अधिकतम तापक्रम १६.८ डिग्री सेल्सियस थ्यंगु दु । शनिवाः येँय् १.५ डिग्री सेल्सियस दुगु खः । वंगु दँया डिसेम्बर ३० कुन्हु येँया न्युनतम तापक्रम […]

ख्वप- खानीं पिहां वइगु हाकुगु चा अर्थात द्यःचा मीगु खँय् थन भारा छिनाः मीपिं कुम्हाःतय् दथुइ ल्वापु जूगु दु । वंगु वालय् झौखेलं डोजर छ्यलाः छम्ह बुँथुवालं थःगु बुं लिकया हःगु द्यःचा सुजःद्यः मरःत्वाः लागाय् हःगु खः । उगु चा न्हापा अन प्रति ट्रक च्याद्वः तकां मीगु खःसां उम्ह बुँथुवालं प्रति ट्रक खुद्वः तकां मीगु शुरु यायेवं […]