स्वनिगः

येँ – थनया पुलांगु बस पार्कय् दयेकाच्वंगु भ्यू टावरया निर्माण आः छु जुइगु खः धाये मफइगु अवस्थाय् लानाच्वंगु दु । थौंकन्हय् थुकिया ज्या पूवंक दिनाच्वंगु दु । येँ महानगरपालिकाया प्रवक्ता ईश्वर–मान डंगोलं ‘नेपालभाषा टाइम्स’ लिसे खँ ल्हासें थौंकन्हय् भ्यू टावर दयेकेगु ज्या दिनाच्वंगु खँ कनादीगु खः । वय्कलं न्यादँया दुने भ्यू टावर दयेकेगु ज्या क्वचायेकेमाःगु […]

यँे (नेपालभाषा टाइम्स)÷ कवि लिसें नेपालभाषा सेवी नातिबज्र वज्राचार्यया अन्तिम संस्कार म्हिगः थनया शोभा भगवतीया कर्ण दिपय् जुल । मदुम्ह वज्राचार्ययात वय्कःया काय लुजः वज्राचार्यं मि तयादीगु खः । वय्कः म्हीग बहनी वासः यायेगु झ्वलय् वीर अस्पतालय् मदुगु खः । मदुम्ह वज्राचार्यया छेँ असं दगु बहालं शवयात्रा यानाः कर्णदिपय् यंकूगु खः । वय्कःया सिथं यंकूगु इलय् आपालं भाषासेवी लिसें […]

येँ- हरेक चिकुलाय् मनूतय्सं बिचाः याइ, थुगुसी ला तसकं चिकुसे च्वं । तर मखु । थुगुसीया चिकुलाय् न्हापा स्वयां चिकुइगु कम जूगु खँ मौसमविद्तय्सं धाःगु दु । न्हापा न्हापाया तुलनाय् थुगु दँय् चिकुइगु (ख्वाउँइगु) म्हो जूगु खँ वरिष्ठ मौसमविद्त मणिरत्न शाक्यं कनादीगु दु । वंगु प्यन्हु न्ह्यः येँया तापक्रम ०.५ डिग्री सेल्सियस थ्यंगु खः । अर्थात शून्य डिग्री हे मथ्यं । […]

येँ- स्वनिगःया नेवाःतय्त वयाच्वंगु विस्थापनया समस्यायात कयाः थौं छगू सहलह ज्याझ्वः जुइत्यंगु दु । थीथी लागाय् सतक विस्तार, थँबहिली छायादेवी कम्प्लेक्स निर्माण, फास्ट ट्राय्क, धरहराय् स्थानीय लागा अतिक्रमण, लगंख्यःया सप्तपाताल अतिक्रमण आदि मुद्दाय् नेवाः सरोकार क्यनेगु ताः तयाः उगु सहलह जुइत्यंगु खः । हलिं नेवाः दबू नेपाः देय् मूकवःया ग्वसालय् कोपुण्डोलया सातोआकी भवनय् जुइगु उगु सहलह मुँज्याय् […]

थिमि- राष्ट्रिय विभूति शंखधर साख्वाः प्रतिष्ठानया स्वक्वःगु अधिवेशन वंगु आइतवाः जुल । अधिवेशनं प्रतिष्ठानया न्हूगु ज्यासना पुचः नं ल्यःगु दु । चन्दनकृष्ण श्रेष्ठया नेतृत्वय् प्रतिष्ठानया न्हूगु ज्यासना पुचः ल्यःगु खः । न्हूगु ज्यासना पुचलय् ज्ञानराम श्रेष्ठ उपाध्यक्ष, ज्ञानकृष्ण श्रेष्ठ सचिव, बाबुकाजी श्रेष्ठ सहसचिव, सुरेश प्रधान कोषाध्यक्ष जुयादीगु दु । प्रतिष्ठानया निवर्तमान नायः श्यामकृष्ण मानन्धरं बियादीगु जानकारी कथं न्हूगु ज्यासना […]

येँ-  नेपाल राष्ट्रिय ज्ञानमाला समितिया नीप्यक्वःगु वार्षिक साधारणसभा च्वबहालय् च्वंगु सुलक्षण कीर्ति विहारय् जुल । समितिया केन्द्रीय नायः रमना श्रेष्ठया सभापतित्वय् जूगु ज्याझ्वःया उलेज्या मूपाहां वाङ्मय शताब्दी पुरुष सत्यमोहन जोशीं यानादीगु खः । विहार प्रमुख डा. अनोजा गुरुमांपाखें बोधिमत च्याकाः शीलप्रदान याना बिज्याःगु ज्याझ्वलय् सभापति श्रेष्ठं लसकुस यासें ज्ञानमाला भजनया विकास व विस्तारया निंतिं थीथी ज्याझ्वः न्ह्याका […]