स्वनिगः

येँ(नेपालभाषा टाइम्स)- देय्या ज्याथःगु लोककल्याणकारी, सामाजिक संस्था परोपकारया ७७ क्वःगु स्थापना दिवस हंगु दु । भिंद्यः त्वालय् च्वंगु संस्थाया थःगु हे सभाकक्षय् छगू ज्याझ्वः यासें स्थापना दिवस हंगु खः । संस्थाया संस्थापकलिसें नेपाःया न्हापांम्ह हिदाता दयावीर सिंह कंसाकारया किपाय् स्वां देछासे न्ह्याःगु ज्याझ्वः संस्थाया नायः शिक्षाविद्लिसें नांजाःम्ह साहित्यकार हितकरवीर सिंह कंसाकारया सभापतित्वय् जूगु खः । नेपाल स्वयंसेवी रक्तदाता […]

येँ(नेपालभाषा टाइम्स)÷येँ महानगरपालिकां महानगर दुनेया दक्वं सामुदायिक ब्वनेकुथिया शिक्षक दरबन्दी मिलान याइगु जूगु दु । महानगरया शिक्षा विभागं सामुदायिक ब्वनेकुथिया शिक्षक दरबन्दी मिलानया ज्या न्ह्याकेत्यंगु खः । महानगरया गुगुं ब्वनेकुथिइ ब्वँमिया ल्याः अप्वः स्यनामि म्हो, गुगुं ब्वनेकुथिइ स्यनामि अप्वः तर ब्वँमिया ल्याः म्हो जूगु धासें आवश्यकताकथं शिक्षक दरबन्दीया मिलान यायेत्यनागु विभागं जानकारी बिउगु दु । शिक्षक दरबन्दी मिलानया […]

येँ (नेपालभाषा टाइम्स)÷यँयाः जात्रा थौं क्वचायेत्यंगु दु । थौं नानिचा याः जुइसा बहनी यःसिं क्वःथली । थौं हे राष्ट्रपतिपाखें कुमारीया ल्हातं सिन्हः तिनादी । थुगुसी येँया थीथी विद्यालयय् नं यँयाः न्यायेकेगु ज्या जुल । येँ मनपां स्थानीय विषय नेपालभाषां ब्वंकेगु शुरु यायेवं उकिया हे पाठ्यक्रम कथं विद्यार्थीतय्त यँयाः पर्व न्यायेके बीगु ज्या जूगु खः । थ्व लसताय् थनया जगतसुन्दर ब्वनेकुथि, […]

येँ (नेपालभाषा टाइम्स)-थौंकन्हय् थनया भोताहितिइ तयातःगु यःसिं कन्हय् अनं सालाः नगर प्रवेश याकुसें हनुमानध्वाखाय् थ्यंकीगु जूगु दु । कन्हय् शनिवाः सुथय् १०ः३९ बजेया साइतय् यःसिंयात नगर प्रवेश याकीगु ग्वसाः दु । उगु यःसिं मंगलवाः सुथय् १०ः३७ बजेया साइतय् थनी । यःसिं थनेवं थुगु दँया यँयाः शुरु जूगु भाःपी । थ्वहे झ्वलय् यँयाः न्ह्यःने थ्यंकः वयेवं पुलुकिसि, लाखे, सवःभक्कु आदि […]

येँ(नेपालभाषा टाइम्स)÷ नेपाल सांस्कृतिक कला मन्दिर मच्छेगांया ग्वसालय् थनिनिसें निन्हुयंकंया लाखे प्याखं ब्वज्या जूवनाच्वंगु दु । थौं व कन्हय् निन्हुयंकं जुइगु लाखे प्याखं ब्वज्याय् थुगुसी देय्न्यंकंया थीथी थासय् च्वंपिं नेवाःतय्सं लाखे प्याखं ब्वज्याय् ब्वति काइगु ग्वसाः खलकं बिउगु दु । थुगुसी जुइगु लाखे प्याखं ब्वज्याय् देय्या थीथी थासय् च्वंपिं नेवाःतय् पीनिगू लाखे प्याखं पुचलं ब्वति काइगु ग्वसाः […]

यल(नेपालभाषा टाइम्स)- थनया यलध्वाखाय् च्वंगु पाटन हाईस्कुलं छगू ज्याझ्वःया दथुइ शत वार्षिक ज्याझ्वः हंगु दु । वंगु शुक्रवाः अशोक हलय् स्कुल सछिदँ क्यंगु लसता ज्याझ्वः हंगु खः । विद्यालय व्यवस्थापन समितिया अध्यक्षलिसें यल महानगरपालिका ११ वडाअध्यक्ष अरोजकुमार खड्गीया सभापतित्वय् जूगु ज्याझ्वःया उलेज्या मूपाहां यल महानगर प्रमुख चिरिबाबु महर्जनं यानादीगु खः । यल मनपा प्रमुख महर्जनं विद्यालयं शत वार्षिकी […]