स्वनिगः

येँ(नेपालभाषा टाइम्स)- नेपालभाषा साहित्य ख्यःया स्वम्ह नांजाःपिं मिसा साहित्यकार मोतिलक्ष्मी शाक्य, मनदेवी ताम्राकार व प्रतिसरा साय्मिं च्वयादीगु ‘नेवाः खँग्वःया पिला’ नांया सफू पिदंगु दु । नेपालभाषाया आधुनिक गद्य कविताया न्ह्यलुवा, वरिष्ठ निबन्धकारलिसें थः गुरु मदुम्ह कवि पूर्ण वैद्यया निदँया पुण्य तिथिइ वय्कःया स्वम्ह शिष्यपिंसं उगु सफू पिथनादीगु खः । नेपाल साहित्य मन्दिरया पुलांम्ह नायःलिसें नांजाःम्ह साहित्यकार तिलकप्रकाश […]

ख्वप(नेपालभाषा टाइम्स)- न्हापांम्ह मिसा धिमे वाद्यवादकया म्हसीका बीत ताःलाःम्ह इन्दिरा लाछिमस्यूया ‘ख्वपया धिमे बाजं छगू म्हसीका व बोल’ नांया सफू पिदंगु दु । वंगु शनिवाः जूगु छगू ज्याझ्वःया दथुइ ख्वप नगरपालिकाया प्रमुख सुनिल प्रजापतिं उगु सफूया पितब्वज्या यानादीगु खः । ज्याझ्वलय् नवासें ख्वप नगर प्रमुख प्रजापतिं धिमे बाजंया बोलय् एकरुपता हयेत सफुतिं महत्वपूर्ण योगदान बीगु विश्वास प्वंकादिसें […]

येँ(नेपालभाषा टाइम्स)- एबीसी टेलिभिजनय् न्ह्यानाच्वंगु नेपालभाषाया ज्याझ्वः ‘झीगु सः’या निगूगु संस्करण (सिजन टू) शुरु जूगु दु । थ्व लसताय् आइतवाः छगू ज्याझ्वः जुल । निर्माता निर्देशक विजयरत्न असंबरेया सभापतित्वय् जूगुु ज्याझ्वलय् कार्यकारी निर्माता राजु राजदेव वज्राचार्यं लसकुस यानादीगु खः । स्वीदँ न्ह्यः टेलिभिजनय् नेपालभाषाया ज्याझ्वः न्ह्याकागु व थ्व झ्वलय् थौंतकया दुने थीथी टेलिभिजनय् ज्याझ्वः न्ह्याकाः लिपांगु इलय् एबीसी […]

येँ (नेपालभाषा टाइम्स)- थीथी ब्वनेकुथिया मंकाः पुचः “क्यब्व” दि गार्डेन फर लर्नर्सया संयोजन व काठमाडौं मोडेल स्कुलया ग्वसालय् “क्यब्व अन्तर विद्यालय हिज्जे धेंधेंबल्लाः कासा २०८०” जुल । कासाय् जुनियर तगिंपाखें काठमाडौं मोडेल स्कुलं न्हाप, टाइम्स इन्टरनेशनल स्कुलं ल्यू, फ्युचर स्टार इंग्लिस स्कुलं लियांल्यू व स्वयम्भू इंग्लिस बोर्डिङ् स्कुलं हःपाः सिरपाः त्याकेत ताःलाःगु दु । अथेहे सिनियर तगिंपाखे […]

येँ(नेपालभाषा टाइम्स)- येँ महानगरपालिका २८ वडाय् ज्याथः जिथिपिंत छगू ज्याझ्वःया दथुइ हनेज्या याःगु दु । २८ वडाया ग्वसालय् उगु ज्याझ्वः जूगु खः । २८ वडाअध्यक्ष भाइराम खड्गीया सभापतित्वय् जूगु ज्याझ्वलय् मूपाहां येँ महानगरपालिकाया उपप्रमुख सुनिता डंगोल ज्याथःजिथिपिंत दोसल्ला न्ययेकाः हनापौ देछासे हनेज्या यानादीगु खः । मुक्कं १७५ म्हेसित हनेज्या याःगु ज्याझ्वलय् जनप्रतिनिधि नीना खड्गी, अरुण तण्डुकार, वीरेन्द्र महर्जन, […]

येँ(नेपालभाषा टाइम्स)-थनया श्रीघःस्थित श्रीशान्तिघट चैत्य महाविहार संरक्षण समितिया च्याक्वःगु वार्षिक साधारणसभा वंगु शनिवाः जुल । श्रीघःया शाक्य सर्वसंघया महाविहारया साधारणसभां न्हूगु ज्यासना पुचःया नं ल्यज्या याःगु खः । समितिया नायः शुभकाजी शाक्यया सभापतित्वय् जूगु साधारण सभाय् येँ महानगरपालिका सम्पदा तथा पर्यटन विभाग प्रमुख अर्चना श्रेष्ठ शाक्य मूपाहांकथं झायादीगु खः । ज्याझ्वलय् समितिया छ्याञ्जे पुरण शाक्यं वार्षिक प्रगति विवरण […]