स्वनिगः

येँ – परराष्ट्र–विद् लिसें विद्वान च्वमि हिरण्यलाल श्रेष्ठं दयेकादीगु निजी सफूकुथि म्हिगः सर्वसाधारण जनतायात लःल्हानादीगु दु । ‘हिरण्य अन्तर्राष्ट्रिय मैत्री पुस्तकालय’ नां तयाः वय्कलं थ्व सफूकुथि जनताया नामय् अर्पण यानादीगु खः । म्हिगः थःगु ज्याःजंक्वया लसताय् जूगु छगू ज्याझ्वःया दथुइ वाङ्मय शताब्दी पुरुष सत्यमोहन जोशीं उगु सफूकुथिया उलेज्या यानादीगु खः । येँया चपलीस्थित भंगाल धाःगु थासय् थःगु छेँया […]

येँ- चोभारय् दयेकाच्वंगु सुख्खा बन्दरगाहय् विश्व बैंकं लगानी मयाइगु संकेत खने दया वःगु दु । विश्व बैंकं आः थःपिंसं लगानी यायेगु क्षेत्रय् स्थानीय आदिवासीया अधिकारया सम्मान यायेमाः धइगु नीति नालेवं उकिया लिच्वः आदिवासी चोभाःया सुख्खा बन्दरगाहय् तक लायेफुगु खँ धाःगु दु । चोभारय् दयेकाच्वंगु सुख्खा बन्दरगाहया विषयय् चोभार संरक्षण समितिं थ्व स्वयां न्ह्यः विश्व बैंकयात ज्ञापन पौ […]

येँ – चेतना नांया संस्थां स्वनिगःया न्यागू सामुदायिक विद्यालयया मुक्कं पीच्याम्ह विद्यार्थीयात छात्रवृत्ति लःल्हाःगु दु । शैक्षिक दँ २०७६ निंतिं उकथं विद्यार्थीतय्त छात्रवृत्ति लःल्हाःगु खः । शिक्षा, विज्ञान तथा प्रविधिमन्त्री गिरिराजमणि पोखरेलं छगू ज्याझ्वःया दथुइ छात्रवृत्ति लःल्हानादीगु खः । २०६९ सालंनिसें संस्थां न्हिं छगू कप च्या बराबर झितका दां ग्वाहालि मुंकाः उगु इलय् प्यम्ह विद्यार्थीयात […]

यल – यल महानगरपालिका वडा नं. ८या थीथी मिसा पुचःया निंतिं जूगु उद्घोषण व वत्तृmत्वकला विकास तालिम क्वचाःगु दु । जय मनोहर महाविहार मिसा पुचः सुबहाःया ग्वसालय् यल मनपा वडा नं. ८ या ग्वाहालिइ झिन्हुयंकं उगु तालिम जूगु खः ।ग्वसाः खलःलिसें यंगुबहाः मिसा पुचः, सरस्वति मां पुचः, सुबहाः मां पुचः, जागृति महिला समूहया मय्जुलिसें भाजुपिं यानाः नीन्याम्हेसिनं […]

येँ  – त्यंगः त्वाः खलःया दँमुँज्या वंगु शनिवाः थनया म्हय्पि अजिमाया द्यःथाय् छगू ज्याझ्वःया दथुइ सम्पन्न जुल ।त्वाः नायः धनबहादुर ‘तिमिला’या सभापतित्वय् न्ह्याःगु मुँज्याय् पाहांकथं येँमपा १७ वडाअध्यक्ष नवीन मानन्धर, येँमपा १८ वडाअध्यक्ष न्हुछेकाजी महर्जन, त्वाः थाकुलि तिर्थनारायण महर्जन, त्वाः कजि कृष्णनारायण महर्जन, गुरु धर्मरत्न महर्जन, त्यंगः त्वाः मिसा पुचःया अध्यक्ष नानीहिरा महर्जन, निवर्तमान अध्यक्ष कुलबहादुर […]

यल –  यल महानगर–पालिकां २०७६ सालयात वाङमय शताब्दीपुरुष सत्यमोहन जोशी जन्मशताब्दी महोत्सवया रुपय् न्यायेकेगु घोषणा याःगु दु । यल मनपां म्हिगः छगू पत्रकार सम्मेलन यासें शताब्दी पुरुष जोशीया जन्म शताब्दी न्यायेकेत मेयर चिरिबाबु महर्जनया संयोजकत्वय् १११ दुजः दुगु समिति नीस्वंगु जानकारी बिउगु खः । महोत्सव न्ह्याइगु न्हि वैशाख ३० गते यल महानगरपालिकाय् सार्वजनिक विदा बीगु नं घोषणा […]