स्वनिगः

यल –  धिम्बा डान्स एण्ड मोरया ग्वसालय् निन्हुयंकं नृत्य कार्यशाला गोष्ठि जुल । उगु गोष्ठि वंगु असार २१ व २२ गते निन्हुयंकं जूगु खः । गोष्ठिइ अन्तर्राष्ट्रिय ख्यलय् नां जाःम्ह नृत्य गुरु चरण प्रधान, अन्तर्राष्ट्रिय लोक नृत्य गुरु ज्याकलिन स्टिनवर्ग व नांजाःगु नृत्य प्रशिक्षक सुरोज महर्जनं प्याखंया थीथी पक्षयात कयाः नुगःखँ तयादीगु खः । ज्याझ्वलय् स्टिनवर्गं सहभागितय्त डच […]

भ्वँत – भ्वँतय् सिरिन्ज आक्रमणयात कयाः तनाव ब्वलंगु दु । स्थानीय वासिन्दां अन प्रहरी चौकी घेरे यानाः दोषीयात कारबाही यायेमाःगु माग याःगु दु । म्हिगः सुथय् लँय् न्यासि वनाच्वंम्ह व बसय् च्वना वनाच्वंपिं मिसातय्सं थःपिंत सिरिन्ज आक्रमण जूगु खँ धाःगु खः । भ्वँतय् सिरिन्ज आक्रमण यानाः मनूत घाःपाः जूसां प्रहरीं धाःसा सुयातं नं ज्वने मफुगु खँय् स्थानीय जनता […]

येँ – हलिं नेवाः गुथि ल्हुति कचाया स्वास्थ्य कवःया मू ग्वसाः व थीथी खलः, पुचःया सहकार्यय् ल्हुतिया बाइसधारा उद्यान (पार्क)य् बृहत निःशुल्क स्वास्थ्य शिविर ज्याझ्वः जुल । उगु स्वास्थ्य शिविरय् पिपुल्स डेन्टल कलेजया एण्ड हस्पिटलया चिकित्सकतय्सं स्वास्थ्य परीक्षण यानादीगु खः । हस्पिटलया डा. मोहम्मद साघिर खानया नेतृत्वय् स्वम्ह चिकित्सक, झिंस्वम्ह स्वास्थ्य परिचारिक (नर्स) व छम्ह […]

यल – थनया ल्वंहलँय् च्वंगु श्री शान्तिश्रम मा.वि. नं गुंगू तगिमय् ऐच्छिक विषयकथं नेपालभाषा विषय दुथ्याकूगु दु । वाङमय शताब्दीपुरुष सत्यमोहन जोशीया विशेष हःपाः व कुतलं विद्यालयय् नेपालभाषा विषय दुथ्याकूगु खः । वाङमय शताब्दीपुरुष जोशी उगु विद्यालयया संस्थापक दुजः नं खः । थुगुसीनिसें हे अध्यापन याकेगु ल्याखं विद्यालयं ऐच्छिक विषयकथं नेपालभाषा दुथ्याकूगु खःसा झिम्हविद्यार्थीं नेपालभाषा विषय अध्ययन यानाच्वंगु […]

छिं सिउला येँया लुँहितिं गुगुं इलय् एकनासं लः हायाच्वनीगु ? खः झीमध्ये यक्वसिनं हे सिउ कि येँया लुँहितिं एकनासं लँ हायाच्वनीगु । व नं छधाः हितिइ जक मखु, लुँहितिया दक्वं हितिं उतिर्क एकनासं उलि हे गतिं लः हायाच्वंगु दइ । थ्व लुँहितिइ चछिन्हिछिं हे एकनासं निरन्तर लः हायाच्वनीगु जूगुलिं येँया स्थानीयवासिन्दां २०३०या दशकय् तक निपा ल्हातं फयाः लुँहितिं […]

येँ – किपू नगरपालिका–५ स्थित सलिख्यलय् पुखू अतिक्रमण यानाः दनेत्यंगु छखा छेँ स्थानीय जनतां थुना बिउगु दु । पुखू त्वपुक दनेगु शुरु याःगु उगु छेँया डीपीसी व प्यंगः पिलर स्थानीय जनतां थुना बिउगु खः । सार्वजनिक हितया निंतिं पूर्खां दयेकातःगु बुंगाःचाय् छेँ दनेगु लिसें सार्वजनिक त्वनेगु लःया पाइप लानातःगु थासय् तकं डीपीसी यायेवं आक्रोशित जूपिं […]