स्वनिगः

येँ –  झिदँ न्ह्यः थनया दफ्तर (सिद्धिचरण चोकय्) नीस्वंगु मेट्रोभेष्ट बचत तथा ऋण सहकारी संस्था लि.या १० क्वःगु साधारण सभा वंगु शनिवाः थनया खुसिबुँस्थित नेपाः बैंक्वेटय् क्वचाल ।संस्थाया अध्यक्ष राजु महर्जनया सभापतित्वय् न्ह्याःगु थुगु ज्याझ्वलय् येँ महानगरपालिका २३ वडाया अध्यक्ष मचाराजा महर्जन मूपाहां कथं झायादीगु खः । संस्थाया उपाध्यक्ष चन्द्ररवि श्रेष्ठं लसकुस यानादीगु झ्वलय् लेखा […]

येँ –  नेपालभाषा मचा सिरपाःया निंतिं मस्त ल्ययेगु ज्या जूगु दु । नेवाः बस्ती नेवाः स्कुल अभियानया ग्वसालय् वंगु शनिवाः थनया ताम्सिपाखाय् च्वंगु न्यू जेनिथ इंग्लिश मोडेल स्कुलय् जूगु ‘अडिसन’पाखें थीथी ब्वनेकुथिया नीम्ह मस्त छनोट याःगु खः । नर्सरीनिसें युकेजी तगिंया मस्तलिसे खँल्हाबल्हा, तगिं छगू व निगूया मस्तलिसे खँल्हाबल्हा व ब्वँज्या व तगिं स्वंगूनिसें न्यागू तकया मस्तलिसे […]

येँ – नेपालय् शिक्षा जागरणया जग तयेत वि.सं. २००७ या क्रान्ति लिपा स्थापना याःगु येँया पुलांगु विद्यालयया महत्वपूर्ण योगदान दयाच्वंगु दु । मोहनि, स्वन्ति, नेपाल संवत् न्हूदँ व छठ पर्वया लसताय् थनया थँहितिइ च्वंगु शान्ति शिक्षा मन्दिरय् ग्वसाः ग्वःगु भिंतुना कालबिल ज्याझ्वलय् नवानादीपिं वक्तातय्सं येँया पुलांगु विद्यालयया योगदानया स्मरण यानादीगु खः । अज्याःगु विद्यालय संरक्षण यायेत सरकार, […]

थिमि – नगदेश बौद्ध समूहया ग्वसालय् नगदेश बुद्ध विहारय् छन्हुया पवित्र अभिधम्म पाठ ज्याझ्वः जुल । विहारया धम्म हलय् सो¥ह श्राद्धया ई लाकाः उगु ज्याझ्वः जूगु खः । धर्मकीर्ति विहारया श्रद्धेय गुरुमांपिंपाखें जूगु ज्याझ्वलय् श्रद्धेय गुरुमांपिं व उपासक उपासिकापिंसं थः दिवंगत मांअबु, अजाअजि लगायत ज्ञातिबन्धु पिनिगु लुमन्तिइ गुणानुस्मरण यासें छन्हुया मंकाः पवित्र अभिधम्म पाठ याःगु खः । अभिधम्म […]

ख्वप – नेपाल क्षयरोग निवारण संस्था ख्वप शाखाया ग्वसालय् विद्यार्थी व अभिभावकयात लक्षित यानाः छन्हुया क्षयरोग न्यूनीकरण अभिमुखीकरण ज्याझ्वः जुल । ज्याझ्वलय् संस्थाया प्रशिक्षक हिरण्यप्रताप सांगामिं गंल्वय् सम्बन्धी जानकारी बियादिसें ल्वय्या लक्षण, ल्वचं बचे जुइगु उपाय व उकिया रोकथामया बारे प्रशिक्षण बियादीगु खः । संस्थाया निवर्तमान सभापति बाबुकाजी श्रेष्ठं संस्थां थुगु दँय् ख्वप जिल्लान्यंकं सुलांच्वंपिं गंल्वयया ल्वगित […]

यल – मिसातय्त कयाः जुइगु घरेलु हिंसाया ९० प्रतिशत स्वयां अप्वः घटना सार्वजनिक जुया वयाच्वंगु थन जूगु छगू ज्याझ्वलय् जानकारी बिउगु दु । ताम्रकार कुलदेवता उग्रचण्डी माई संरक्षण समिति (ताम्रकार समाज)या ग्वसालय् जूगु मिसा हिंसा न्यूनीकरण अभिमुखीकरण ज्याझ्वलय् नवानादीपिं वक्तातय्सं उगु खँ धयादीगु खः । समाजया ग्वसालय् महानगरीय प्रहरी प्रभाग मंगलबजाःया ग्वाहालिइ समुदाय प्रहरी साझेदारी अन्तर्गत जूगु […]