नगदेश बुद्ध विहारय् अभिधम्म पाठ

थिमि – नगदेश बौद्ध समूहया ग्वसालय् नगदेश बुद्ध विहारय् छन्हुया पवित्र अभिधम्म पाठ ज्याझ्वः जुल । विहारया धम्म हलय् सो¥ह श्राद्धया ई लाकाः उगु ज्याझ्वः जूगु खः । धर्मकीर्ति विहारया श्रद्धेय गुरुमांपिंपाखें जूगु ज्याझ्वलय् श्रद्धेय गुरुमांपिं व उपासक उपासिकापिंसं थः दिवंगत मांअबु, अजाअजि लगायत ज्ञातिबन्धु पिनिगु लुमन्तिइ गुणानुस्मरण यासें छन्हुया मंकाः पवित्र अभिधम्म पाठ याःगु खः ।

अभिधम्म पाठ श्रवण स्वयां न्ह्यः श्रद्धेय भिक्षु खनो·ं पंचशील बियाबिज्याःगु खःसा वयां लिपा अनागारिका कुसुम गुरुमांनं अभिधम्म पाठया उपादेयता बारे कनाबिज्याःगु खः । वसपोलं शान्तिया महानायक, महाकारुणिक तथागत गौतम बुद्धं थः जन्मदाता मां यशोधरायात त्रायश्तिंश देवलोकय् वनाः मातृ ऋण चुक्ता यायेत तथागतं प्राप्त यानाबिज्याःगु गम्भिरातिगम्भिर ज्ञानं जाःगु अभिधम्म बारे स्वलातक धर्मदेशना बियाबिज्याःगु खँ कनादिसे धर्मदेशना बियाबिज्याःगु खः ।

उगु इलय् अनागारिका इन्दावती व जयवती गुरुमांनं धम्मस·णि, अनागारिका वीर्यवती व शुभवती गुरुमांनं विभ·, अनागारिका दानवती व मेत्तावती गुरुमां नं कथावत्थु, अनागारिका सुनिता व प्रीतिवती गुरुमां नं पुग्गलपञ्ञति, अनागारिका पञ्ञावति व कुसुम गुरुमां नं धातुकथा, अनागारिका अमरावती व क्षान्तिवती गुरुमांनं यमक व अनागारिका चम्पावती व जिनवती गुरुमां नं पट्टान सम्बन्धी यानाः अभिधम्मय् दुगु न्हय्गू ग्रन्थरत्नया अंश मंकाःकथं वाचन यानाबिज्याःगु खः ।

ज्याझ्वः या दकलय् लिपांगु ब्वय् अष्ट परिस्कार व मंकाः दान प्रदान यासें दिवंगत जुयादीपिंनापं परिनिवृत्त ज्ञात अज्ञात प्रति निर्वाण कामना यासें पुण्यानुमोदन याःगु खः । ज्याझ्वलय् विहारया आपालं उपासक, उपासिकापिनिगु उपस्थिति दुगु खः ।