मेट्रोभेष्टया १० क्वःगु साधारण सभा

येँ –  झिदँ न्ह्यः थनया दफ्तर (सिद्धिचरण चोकय्) नीस्वंगु मेट्रोभेष्ट बचत तथा ऋण सहकारी संस्था लि.या १० क्वःगु साधारण सभा वंगु शनिवाः थनया खुसिबुँस्थित नेपाः बैंक्वेटय् क्वचाल ।संस्थाया अध्यक्ष राजु महर्जनया सभापतित्वय् न्ह्याःगु थुगु ज्याझ्वलय् येँ महानगरपालिका २३ वडाया अध्यक्ष मचाराजा महर्जन मूपाहां कथं झायादीगु खः ।

संस्थाया उपाध्यक्ष चन्द्ररवि श्रेष्ठं लसकुस यानादीगु झ्वलय् लेखा समितिया संयोजक सरज महर्जनं लेखा प्रतिवेदन, अडितर पन्नारत्न वज्राचार्यं अडितया प्रतिवेदन, अध्यक्ष राजु महर्जनं वार्षिक प्रतिवेदन न्ह्यब्वयादीगु खःसा संस्थाया सचिव सुनिल श्रेष्ठं सुभाय् न्वचु बियादीगु खः ।

ज्याझ्वलय् मूपाहां मचाराजा महर्जनं संस्थाया जेष्ठनागरिक सदस्य व मिसेस् इन्टरनेशनल नेपाल २०१९या ताज त्याकेत ताःलाःम्ह संस्था सदस्य र·जिना ल्यकंगगम (शाह)यात विशेष कथं हनेज्या यानादीगु खःसा ज्याझ्वलय् आएसा डंगोल व नेतिक महर्जनपिंसं सांस्कृतिक ज्याझ्वः न्ह्यब्वःगु खः ।

नेपालभाषा टाइम्स

च्वमिया मेमेगु

• ‘नुगः चफुना’ या म्यूजिक भिडियो पिदन
• नेपालभाषाया न्हूगु श्रृंखला वइगु
• एनपिएल ः जनकपुर व चितवन त्यात
• बौद्धविद्वान प्रजापतिया हना
• प्रधानमन्त्री ओलीया चीन भ्रमण, छुं न्हूगु सम्झौता मजुइगु