स्वनिगः

येँ – येँ महानगरपालिकां बौद्ध परियत्ति शिक्षा केन्द्रया निंतिं आर्थिक ग्वाहालि याःगु दु। येँ मनपां अखिल नेपाल भिक्षु महासंघपाखें संचालन जुयाच्वंगु परियत्ति शिक्षाया निंतिं आर्थिक ग्वाहालि याःगु खः । येँ मनपां परियत्ति शिक्षाया निंतिं आवश्यक सफू, पाठ्यसामग्री छपाई, नैतिक आचरण शिक्षा, परियत्ति उत्तीर्ण जूपिनिगु निंतिं ग्वसाः ग्वःगु दीक्षान्त समारोह ज्याझ्वः लगायतया निंतिं २३ गू लाख ख्वीन्याद्वः तका दां बराबरया ग्वाहालि याःगु खः […]

किपू – म्हिगः पुस २७ गते पृथ्वीनारायण शाहया बुन्हियात किपूया जनतां हाकुगु दिवसया रुपय् न्यायेकल । हाकुगु न्हि हनेगु झ्वलय् किपुली नं पहिचानवादी नेतातय्सं थःगु ख्वालय् थःपिंसं हे हाखः पानाः विरोध प्रदर्शन याःगु खः । म्हिगः पृथ्वीनारायण शाहया बुन्हि कुन्हु हे लाकाः प्रदेश ३ या नां बागमति तयेगु निर्णय यासें पहिचानया आन्दोलनयात समाप्त यायेगु कुतः याःगु धासें अभियानकर्तातय्सं थुकिया विरुद्ध अझ तच्वःगु आन्दोलन यायेगु घोषणा याःगु खः । […]

किपू – स्वनिगःया दक्वं स्थानीय तह व काभ्रे जिल्लाया नगरपालिकाया मेयर दुथ्याःगु उपत्यका मेयर फोरमया बैठक वंगु वालय् च्वन । संघीय सरकारया सहरी विकास राज्यमन्त्री रामवीर मानन्धरं त्वाःदेवाय् मत च्याकाः उलेज्या यानादीगु बैठकय् नवासें वय्कलं स्वनिगःयात व्यवस्थित सहरया रुपय् विकास यायेत येँ दुने न्हूगु रिंगरोड दयेकेगु स्वयां नं ख्वना, गल्छी, तोखा, चाँगु, सक्व लगायत थीथी थासय् सुरुब मार्ग (टनेल) चायेकाः […]

येँ – परिवर्तनशील समाजया ग्वसालय् चन्द्रागिरिइ नेवाः नसा महोत्सव जुल । नेपाल भ्रमण वर्ष-२०२०या लसताय् लाकाः उगु नेवाः नसा महोत्सवया ग्वसाः ग्वःगु खः ।चन्द्रागिरि नगरपालिकाया थक्वाःस्थित कोटघरय् जूगु महोत्वय् प्रदेश नं. ३ या उद्योग, पर्यटन, वन तथा वातावरण मन्त्रालय व चन्द्रागिरि नगरपालिकां सहकार्य याःगु खः । समाजया अध्यक्ष लेमन श्रेष्ठं बियादीगु जानकारीकथं स्थानीय कला, संस्कृतिया संरक्षण व नेवाः […]

येँ – येँ महानगरपालिकाया मेयर विद्यासुन्दर शाक्यं विश्व सम्पदाय् दुथ्यानाच्वंगु येँया थीथी थाय्या म्हसीकायात विश्वन्यंकं पिब्वयेगु निंतिं येँ महानगर क्रियाशील जुयाच्वनागु खँ धयादीगु दु। लिसें वय्कलं विश्व सम्पदाय् दुथ्याःगु पर्यटकीय थाय्या प्रवद्र्धनय् सकलें न्ह्याः वनेमाःगु खँय् नं बः बियादिल । वंगु मंगलवाः थनया स्वयम्भू भुइख्यलय् ग्वसाः ग्वःगु छवाःयंकंया ‘स्वयम्भू सांस्कृतिक महोत्सव’ समापन ज्याझ्वलय् नवासे मेयर शाक्यं येँ देय् आन्तरिक […]

येँ – – नेपालभाषाया नांजाःम्ह कवि सुदन खुसः उसाँय् मदयाः अस्पताल भर्ना जुयादीगु दु । वय्कःयात निमोनिया, स्वासप्रश्वास व दमया ल्वचं कःगुलिं सितापाइलास्थित शुभेच्छा अस्पतालय् भर्ना याःगु खः । शुक्रवाः वय्कःयात अस्पताल भर्ना याःगु खःसां म्हीगंनिसें आईसीयुलय् तयाः उपचार याःगु खँ छेँजःपिंसं धाःगु दु ।