स्वनिगः

येँ-  येँ क्षेत्र नं. ९पाखें प्रतिनिधिसभा सदस्यय् निर्वाचित जुयादीम्ह सांसद कृष्णगोपाल श्रेष्ठं थःगु लछिया तलब पद्मरत्न लुमन्ति गुथियात लःल्हानादीगु दु । सांसद श्रेष्ठं नेवाः न्ह्यलुवा मदुम्ह पद्मरत्न तुलाधरया लुमन्तिइ नीस्वनातःगु गुथियात ग्वाहालिकथं लछिया तलब लःल्हानादीगु खः । सांसद श्रेष्ठं थन जूगु छगू बःचाधंगु ज्याझ्वःया दथुइ गुथिया नायः डा. केशवमान शाक्ययात चेक लःल्हानादीगु खः। ज्याझ्वलय् नवासें सांसद श्रेष्ठं […]

ख्वप – याताजः नेपालभाषा साहित्य दबूया ग्वसालय् जूगु छगू ज्याझ्वःया दथुइ न्हापांगु ‘याताजः श्याम–विश्व सिरपाः– ११३९’ं ल्याय्म्हम्ह साहित्यकार नरेश अमात्ययात लःल्हात । साहित्यकार सौरभ शाक्यया सभापतित्वय् जूगु ज्याझ्वलय् वाङ्मय शताब्दीपुरुष सत्यमोहन जोशीं उगु सिरपाः लःल्हानादीगु खः । साहित्यकार अमात्यया ‘आखें’ नांया चिबाखं सपूmया निंतिं उगु सिरपाः बिउगु खः। उगु हे ज्याझ्वलय् बाखं च्वमि श्याम आशाया न्हूगु चिबाखं […]

किपू- किपू व चन्द्रागिरि नगरपालिका स्वाइगु दीखु ताँया शिलान्यास याःगु दु । भौतिक पूर्वाधार व यातायात मन्त्री वसन्तकुमार नेम्वाङं उगु ताँया शिलान्यास यानादीगु खः । २०७७ साल जेठ मसान्ततकया दुने निर्माण सम्पन्न यायेगु लक्ष्य कयातःगु ११ मिटर ब्या व २५ मिटर हाकः दुगु ताँया निर्माणया ठेक्का वाइबा व लामा कन्स्ट्रक्सनं काःगु खः । ३ गू करोड ४४ गू […]

येँ- केन्द्रीय मानन्धर संघया ६७ क्वःगु पलिस्था दिं (स्थापना दिवस)या लसताय् लाकाः थीथी कासा जुल । संघया बुन्हिया लसताय् मानन्धर ल्याय्म्ह पुचः व कासा उपसमितिया ग्वसालय् थनया सामाखुसीस्थित आशिर्वाद कलेजय् मचा ब्वाज्या, चेस व टेबुलटेनिस कासा जूगु खः । अथे हे संघया बुन्हिया लसताय् शम्भूमान (काकाभाई)–बसुन्धरा लुमन्ति सिरपाः कमिटीया ग्वसालय् मचा किपा च्वज्या कासा जुल । टेबुलटेनिस कासाय् […]

ख्वप-  साहित्यकार तिलक प्रकाश कायस्थया कायभाजु प्रशान्त कायस्थं ख्वपय् थगुने चायेकूगु ‘तिसा इन’ रेष्टुरेन्टपाखें जूगु लबःपाखें १ लाख १११ तका दां साहित्य मन्दिरयात लःल्हानादीगु दु । म्हिगः छगू ज्याझ्वलय्  थ्व दां लःल्हाःगु खः । साहित्य मन्दिरया कोषाध्यक्ष सान्ता याँचायात चेक लःल्हाःगु खः ।

येँ – ठमेलय् गुजुमुजु जुयाच्वंगु तार चीकेगु अभियान न्ह्याकेवं विवाद जूगु दु । इन्टरनेट सेवा प्रदायक कम्पनीतय्सं आकाझाकां तार चाःगुलिं करोडौंया क्षति जूगु धासें प्रहरीइ उजुरी तयेगु तयारी याःगु खँ सीदुगु दु । ठमेल पर्यटन विकास परिषद्या ग्वसालय् पोलय् खायातःगु इन्टरनेट व टेलिफोनया तार चानाः उकियात व्यवस्थित यायेगु कथं ज्या न्ह्याकूगु खः । लाथेपाथे तार सालातःगुलिं शहरया सौन्दर्य […]