स्वनिगः

येँ – जेम्स स्कुलया पुलांपिं विद्यार्थीतय् संस्था विचारशील नेपाल ग्वसालय् वंगु शनिवाः थनया भूगोल पार्कय् हिदान ज्याझ्वः जुल । उगु हिदान ज्याझ्वलय् मुक्कं ६० म्हेसिनं हिदान याःगु खः । जेम्स स्कुलया पुलांपिं विद्यार्थीत जानाः २०७६ सालय् स्थापना जूगु संस्थां न्हापांखुसी सामाजिक क्षेत्रय् थुकथंया ज्याझ्वः याःगु खः ।

येँ – निर्देशक लिसें कलाकार रामकृष्ण खड्गी एवं संगीतकार बालकृष्ण वंशीया मां मय्जु गणेशमाया खड्गी म्हिगः मंत । वय्कः ७० दँ दुम्ह खः । वंगु छुं ई न्ह्यवंनिसें दमया ल्वचं कयाः वय्कः अस्पताल भर्ना जुया च्वनादीम्ह खः । म्हिगः हे पशुपति आर्यघाटय् वय्कःया अन्तिम संस्कार क्वचाःगु दु । मदुम्ह खड्गीया जहान लिसें काय प्यम्ह व म्ह्याय् निम्ह दी ।

येँ – स्वनिगःया गुलि नं क्याम्पसय् न्हापा नेपालभाषा ब्वंकेगु यानाच्वंगु खः, अन आः नं नेपालभाषा ब्वंकेगु कथं पुनस्र्थापना यायेमाःगु माग नेवाः विद्यार्थी युनियनं याःगु दु । थनया आरआर क्याम्पसय् नेवाः विद्यार्थी युनियनं याःगु छगू ज्याझ्वलय् थ्व माग न्ह्यःने तःगु खः । युनियनपाखें थुकिया नापनापं नेपालभाषा ब्वनीपिं विद्यार्थीतय्त छात्रवृत्तिया व्यवस्था यायेमाःगु, नेपालभाषा ब्वंकीपिं शिक्षकतय् लागिं दरबन्दी खोले यायेमाःगु, […]

यल – हरेक न्यादँय् छक्वः न्यायेकीगु इतिल्हने सम्यक थनिंनिसें यलय् न्यायेकाच्वंगु दु । थौं व कन्हय् निन्हु थ्व पर्व न्यायेकीगु ग्वसाः दु । थ्व झ्वलय् थौं न्हिनंनिसें यलया थीथी बहालय् च्वंपिं दीपंकर द्यःपिंत थनया नागबहालय् तयाः ब्वये हइ । सकलें द्यःपिं नागबहालय् मुनीबलय् व छगू तःधंगु मेला थें जू वनी । कन्हय् सकलें द्यःपिंत दान प्रदान यायेगु ज्या जुइ । […]

धौख्यः – थँहिति मानन्धर गुथिया नीस्वक्वःगु व नीप्यक्वःगु दँमुँज्या वंगु शनिवाः धौख्यलय् विशेष ज्याझ्वःया दथुइ क्वचाल । गुथिया अध्यक्ष लक्ष्मीदास मानन्धरया सभापतित्वय् न्ह्याःगु ज्याझ्वलय् गुथिया थीथी ज्याय् योगदान बिया वयाच्वनादीपिं गुथिया दुजःपिं लक्ष्मीदास मानन्धर व रामबल्भ मानन्धर, साहित्यकारद्वय मथुरा साय्मि व राज साय्मियात साहित्य ख्यलय् बियादीगु योगदान, रामहरि मानन्धरं बाजनय् बियादीगु योगदानयातकयाः दोसल्लां न्ययेकाः हनेज्या याःगु […]

येँ- मां भासं आखः ब्वंका वयाच्वंगु देय्या हे न्हापांगु ब्वनेकुथि जगतसुन्दर ब्वनेकुथि ३० क्यंगु लसताय् विशेष ज्याझ्वः जुल । ब्वनेकुथिया थःगु हे प्रांगणय् ब्वनेकुथि संचालक समितिया नायः लक्ष्मीदास मानन्धरया सभापतित्वय् जूगु ज्याझ्वलय् येँ महानगरपालिकाया प्रमुख विद्यासुन्दर शाक्य मूपाहांकथं झायादीगु खः । ज्याझ्वलय् वाङ्मय शताब्दीपुरुष सत्यमोहन जोशी, येँ मनपा १५ वडा अध्यक्षलिसें महानगपालिकाया प्रवक्ता ईश्वरमान डंगोल, येँ मनपा […]