सरकारयात लिसः बिउवयेत रुलिङ
येँ (नेपालभाषा टाइम्स) – राष्ट्रिय सभाया अध्यक्ष नारायणप्रसाद दाहालं सांसदतय् न्ह्यसःया लिसः बीत सरकारया नामय् रुलिङ यानादीगु दु ।म्हिगः जूगु राष्ट्रिय सभाया बैठकय् अध्यक्ष दाहालं सांसदतय्सं न्यंगु न्ह्यसःया लिसः बिउ वयेत सरकारया सकलें मन्त्रीतय्त रुलिङ यानादीगु खः ।
‘राष्ट्रिय सभाया बैठकय् माननीय दुजःपिंसं आकस्मिक इलय्, शून्य समयय्, विशेष समय व प्रादेशिक सरोकार इलय् ल्ह्वनादीगु विषयया लिसः बीत नेपाल सरकारया सकलें माननीय मन्त्रीतय्त निर्देश याना’ वय्कलं म्हिगःया बैठकय् धयादीगु दु ।
राष्ट्रियसभाया अध्यक्षं थथे रुलिङ याःसां दकलय् अप्वः सरकारया लिसःया माग जुयाच्वंगु प्रतिनिधि सभाय् धाःसा सभामुखं आःतक सरकारयात सांसदतय् लिसः बिउवयेत निर्देशन बिउगु मदुनि । प्रतिनिधि सभाय् प्रधानमन्त्रीं लिसः बिउवयेमाःगु माग यानाः ताःई तक संसद दुने हे प्रदर्शन जूगु खः ।
LEAVE YOUR COMMENTS