स्वनिगः

किपू-  किपुलिइ त्वनेगु लःया व्यवस्थापनयात कयाः किपू नगरपालिकाया जनप्रतिनिधितलिसें सार्वजनिक सुनुवाई ज्याझ्वः जूगु दु । काठमाडौं उपत्यका खानेपानी लिमिटेड (केयुकेएल) व सरसफाइ आयोजना अन्तर्गत किपू नगरपालिकाया न्यागू वडाया जनप्रतिनिधि दथुइ उगु सार्वजनिक सुनुवाई ज्याझ्वः जूगु खः । किपू नगरपालिका वडा नं. १, २, ३, ९ व १०य् मेलम्ची खानेपानी आयोजनाया पाइप लायेगु व हिति जडान यायेगु ज्याया […]

येँ- ङत तुलाधर मिसा पुचःया ग्वसालय् छगू हिदान ज्याझ्वः जुल । नेपालभाषाया न्हापांम्ह मिसा बाखं च्वमि साहित्यकार मोतिलक्ष्मी उपासिकाया ११२ क्वःगु बुन्हिया लसताय् लाकाः पुचःपाखें उगु हिदान ज्याझ्वः याःगु खः । ङत अजिमाया दबुलिइ लायन्स क्लब अफ काठमाडौंया ग्वाहालिइ जूगु हिदान ज्याझ्वःया उलेज्या ङत तुलाधर त्यंघः त्वाः कवःया थाकुलि जितरत्न तुलाधरं त्वाःदेवाय् मत च्याकाः यानादीगु खः । साहित्यकार […]

येँ – रेडियो नेशन १०३.९ मेगाहर्जपाखें न्ह्यानाच्वंगु नेपालभाषा ज्याझ्वः ‘रेडियो झीगु सः’ सछिन्हु पूवंगु लसताय् छगू ज्याझ्वः जुल । झीगु सः पुचःया ग्वसालय् नेवाः संचार अभियानकथं थुगु ज्याझ्वः न्ह्याका वयाच्वंगु खः । रेडियो ज्याझ्वः सछिन्हु पूवंगु लसताय् पुचःया कजि विजयरत्न असंबरें २०५३ सालय् तत्कालीन इलय् रेडियो नेपालपाखें गुडनाइट एफएम थःपिनिगु हे कुतलं न्ह्याकते ताःलाःगु खँ कनादिल । रेडियो […]

यल- स्यस्यः समाज यलया थःगु भवन निर्माण जुइगु जूगु दु । समाजया भवन निर्माणया निंतिं आः नकतिनि जग स्वनेगु ज्या जूगु दु । यल महानगरपालिका वडा नं. १६ य् च्वंगु समाजया जग्गाय् भवन दयेकेत जग स्वंगु खः । वाङ्मय शताब्दीपुरुष सत्यमोहन जोशीं शनिवाः संकल्प पुजा यानादीगु खः । कोरोना संक्रमण व उकिं ब्वलनाच्वंगु परिस्थितियात ध्यानय् तयाः शताब्दीपुरुष जोशीया छेँय् […]

येँ – येँ महानगरपालिकां ज्ञानमाला भजन खलः स्वयम्भूयात अक्षय कोषया निंतिं २० गू लख तका दां लःल्हाःगु दु । येँ महानगर प्रमुख विद्यासुन्दर शाक्यं ज्ञानमाला भजन खलः स्वयम्भूइ हे वनाः खलःया अध्यक्ष तीर्थनारायण महर्जनयात अक्षय कोष वापतया ध्यबा लःल्हानादीगु खः । येँ महानगर प्रमुख शाक्यं कोषया ध्यबा लःल्हानादिसें महानगरपालिकां सम्पदा, कला, संस्कृतिया संरक्षण यायेगु नीति दयेकाः उकथं […]

येँ- येँया पश्चिम भेगय् लाःगु चन्द्रागिरि नगरपालिकाया पुलांगु नेवाः बस्तीयात सांस्कृतिक संरक्षित क्षेत्र घोषणा याइगु जूगु दु । चन्द्रागिरि नगरपालिकां नगर दुनेया पुलांगु नेवाः बस्तीयात सांस्कृतिक संरक्षित क्षेत्र घोषणा यायेत्यंगु खः । नगरपालिकां थःगु लागा दुने लाःगु थ्यंमथ्यं छगू दर्जन नेवाः बस्तीयात उकथं सांस्कृतिक संरक्षित क्षेत्र घोषणा यायेत्यंगु खः । नगरपालिकां नगर दुनेया पुलांगु नेवाः बस्ती मछेगां, सतुंगः, […]