राष्ट्रिय

येँ (नेपालभाषा टाइम्स)- दकलय् अप्वः हिदान यानादीम्ह स्वयंसेवी रक्तदाता प्रेमसागर कर्माचार्यं कर्णाली प्रदेशया जुम्लाय् वनाः थःगु १८० क्वःगु हिदान यानादीगु दु । वय्कलं कर्णालीया स्वास्थ्य विज्ञान प्रतिष्ठान शिक्षण अस्पतालय् जुम्लाय् हिदान यानादीगु खः । हिदानया भावना सकसिकें दयेमाः धयागु सन्देश बीगु ल्याखं भाजु कर्माचार्यं देय्या थीथी जिल्लाय् वनाः हिदान यायेगु याना वयाच्वंगु खः । वय्कलं […]

येँ (रासस)- सञ्चार व सूचना प्रविधि मन्त्री पृथ्वी सुब्बा गरुङं राज्ययात शक्तिशाली दयेकेत भाषा व संस्कृतिं तःधंगु भूमिका म्हितीगु जूगुलिं थुकिया संरक्षण यायेमाःगु खँ धयादीगु दु । राष्ट्रिय समाचार समिति (रासस) पाखें न्ह्याकूगु नेपाल भाषा व मैथिली भाषाया समाचार सेवाया औपचारिक शुभारम्भ यासें मन्त्री गुरुङं सरकारं भाषा संरक्षण अभियान सरकार मातहतया सञ्चार माध्यमपाखें न्ह्याकूगु प्रष्ट […]

येँ (नेपालभाषा टाइम्स)÷थुगुसी न्यायेकीगु नेपाल संवत्या न्हूदँ ११४५ समारोह समितिया नायः कथं नेवाः न्ह्यलुवा लिसें पुलांम्ह मन्त्री राजेन्द्र श्रेष्ठयात ल्यःगु दु । म्हिगः च्वंगु न्हूदँ समारोह समितिया बैठकं भाजु श्रेष्ठया नां सर्वसम्मतं ल्यःगु खः । नेपाल संवत्यात राष्ट्रिय मान्यता बीकेगु आन्दोलनय् ताः ई न्ह्यवंनिसें सक्रिय जुयादीम्ह भाजु श्रेष्ठ नेवाः आन्दोलनया न्ह्यलुवा लिसें प्रखर व्यक्तित्व जुयादी । न्हूदँ समारोह […]

येँ, (रासस)- जःलाखःला देय् चीनया मिङ्गो शहरय् जूगु खुक्वःगु अन्तर्राष्ट्रिय बौद्ध सम्मेलनय् धर्मोदय सभाया महासचिव सागरमान बज्राचार्य व लुम्बिनी विकास कोषया उपाध्यक्ष ल्हारक्याब लामां ब्वति कयादीगु दु । सम्मेलनय् नेपाली प्रतिनिधिमण्डलया पाखें महासचिव बज्राचार्यं ‘बज्रयानय् पञ्चबुद्ध’ विषयय् ज्यापौ न्ह्यब्वयादीगु खः । ज्यापौ न्ह्यब्वयेगु झ्वलय् वय्कलं भवगवान् बुद्ध जन्म जूगु पवित्र भूमि नेपालय् जीवनय् छक्वः पलाः […]

येँ (रासस)- सञ्चार व सूचना प्रविधि मन्त्री पृथ्वीसुब्बा गुरुङं राष्ट्रिय समाचार समिति (रासस) राष्ट्रिय व अन्तर्राष्ट्रिय समाचार उत्पादनया इपिसेन्टर (केन्द्रविन्दू) जूगु धयादीगु दु । रासस नापया अन्तर्वार्ताया झ्वलय् थौं मन्त्री गुरुङं समाचार सेवाया जिम्मेवारी दिपाः मकासें क्वबिया वयाच्वंगु राससं फुक्क मिडियातय्त ल्वयेक समाचार सम्प्रेषण याये आवश्यक जूगु धासें संस्थागत क्षमता अप्वयेकेत व ‘इन हाउस’ य् […]

येँ (रासस)- भाषासेवी व नेपालभाषा एकेदेमिया चान्सलर यज्ञरत्न धाख्वायात छगू लख तकाया हेमराज सिरपाः देछाःगु दु । लोक साहित्य परिषद् शनिवाः थन ग्वसाःग्वगु ज्याझ्वलय् बागमती प्रदेशया सामाजिक विकास मन्त्री हरिप्रभा खड्गीं धाख्वायात सिरपाः लःल्हानादीगु खः । उगु झ्वलय् मन्त्री खड्गीं धाख्वालं नेवाः भाय्, संस्कृति, कला व सम्पदा संरक्षणया ख्यलय् ज्वः मदुगु योगदान यानादीगु खँ न्ह्यथनादिल […]