चान्सलर धाख्वायात हेमराज सिरपाः

येँ (रासस)- भाषासेवी व नेपालभाषा एकेदेमिया चान्सलर यज्ञरत्न धाख्वायात छगू लख तकाया हेमराज सिरपाः देछाःगु दु । लोक साहित्य परिषद् शनिवाः थन ग्वसाःग्वगु ज्याझ्वलय् बागमती प्रदेशया सामाजिक विकास मन्त्री हरिप्रभा खड्गीं धाख्वायात सिरपाः लःल्हानादीगु खः । उगु झ्वलय् मन्त्री खड्गीं धाख्वालं नेवाः भाय्, संस्कृति, कला व सम्पदा संरक्षणया ख्यलय् ज्वः मदुगु योगदान यानादीगु खँ न्ह्यथनादिल ।

“गुबले त लिपिया विकास याये फइमखु, उबलेतक्क भाषा संस्कृतिया विकास नं जुइफई मखु, नेवाः व तामाङ भाय्यात सरकारी कामकाजया भाय्या हैसियत बिउ थें लिपिया प्रवद्र्धन नं याना यंकेगु जिमिगु प्राथमिकता खः ।” भाषासेवी धाख्वालं सिरपाः फयेखनाः थः गौरवान्वित जूगु धाःसें सिरपाया ग्वीइद्वः तका लोक साहित्य परिषदयात हे लः ल्हानादिल ।

एकेडेमीया भाइस चान्सलर मल्ल के सुन्दरं पण्डित हेमराज शाक्यया लिपि संरक्षण व सम्बद्र्धनया ज्यां याना भाषाया ख्यलय् यक्वः हे उपलब्धि हासिल जुइफूगु धासें वय्क थे च्वन्ह्याम्ह व्यक्तित्व नेवाःतय् गर्व खः धयादिल । सिरपाःया दाता लक्ष्मीशोभा शाक्यं भाषा, साहित्य व संस्कृतिया संरक्षण यायेगु तातुना हेमराज सिरपाः नीस्वनागु कनादिल ।

हरेक निदँ निदँय् बियावयाच्वंगु थ्व सिरपाः न्हयन्याद्वः ध्यबा तनाः थुगु दँ निसें छगू लख थ्यंकूगु खः ।