बिचाः

हर्षमुनि शाक्य कोशलया जुजु विड्डूभं शाक्य गणराज्य कपिलवस्तुइ च्वंपिं शाक्यतय्गु गणराज्ययात तहस नहस यासेंलि कपिलवस्तुइ च्वंपिं शाक्य शरणार्थीत भगवान बुद्धया जीवनकालय् हे बत्स राज्यय् (इलाहावाद)य् शरण काःवन । इलाहावादय् हे शाक्यतय्सं जीवन हनाच्वन । लिपा वयाः गुप्त साम्राज्यया सम्राट चन्द्रगुप्त दुतीयया शासनकालय् ईस्वी संवत ३७५—४१५ पाखे भारतया गुप्त साम्राज्यया राजनीतिक व शक्तिया प्रभावं गुप्त वंशया […]

स्वनिगःया आदिवासी नेवाःतय्सं नेवाः मुद्दा व नेवाः अधिकारया नितिं ता ई न्ह्यवंनिसें संघर्ष याना वयाच्वंगु दु । थःपिनिगु अधिकारया निंतिं मूल रुपं न्हापां भाषिक अधिकारया सः थ्वयेकाः नेवाःतय्सं आन्दोलन याःगु खःसां लिपांगु इलय् वयाः नेवाःतय्गु समग्र अधिकारयात स्थापित यायेगु नितिं नेवाः पहिचानया नितिं धकाः नेवाः स्वायत्त राज्यया आन्दोलन न्ह्याकूगु खः । आन्दोलनया हे दथुइ लखौं नेवाःत मुनाः […]

‘झी दुगु इलय् हे न्हूपिंसं स्यनामकाःसा भाय् सिनावनी । भाय् म्वाःसा संस्कृति म्वाइ’ – कमला कुसुन्डा (कान्तिपुर न्हिपौ, दँ २६ ल्याः ३१४, शुक्रवाः २० पुष २०७५) । कुसुन्डा भाय् ल्हायेसःपिं मुक्कं निम्ह मध्ये कमलां दुःखपूर्वक प्वंकूगु चिउताः खः, थ्व । कुसुन्डा समुदाय दुने ४३ दँया कमला व ८१ दँया ज्ञानीमैया कुसुन्डा निम्ह मिस्तय्सं जक आः थःगु भाय् […]

मौसम विज्ञानया स्नातक तहय् विद्यार्थीनाप सिन्धुपाल्चोक जिल्लाया थीथी थासय् ‘स्टडी टूर’ यानाः लिहां वयाः छेँय् थ्यंगुया कन्हय्कुन्हु मंगलवाः जनवरी १ या सुथय् ७ ताःइलय् पत्रकार पासा श्रीकृष्ण महर्जनया फोन वल । वय्कलं धयादिल, ‘सिन्धुपाल्चोकय् जलवायु सम्मेलन जुयाच्वंगु दु । जलवायु परिवर्तन सम्बन्धी जानकारीमूलक अन्तर्वार्ता छगू कायेगु विचाः याना । ८ बजे फोन याये ।’ जिं नं जिउ धया । ८ […]

बंगलादेशय् जूगु आम चुनावं विश्वया जनतायात हे ध्यान केन्द्रित यानाच्वंगु दु । विश्वया जनताया ध्यान केन्द्रित जुयाच्वंगु कारण छगू ला बरोबर सेनां कू यानाच्वनीगु देश जुयाः खःसा मेगु कारण अतिवादीतय्गु नं प्रभाव अप्वया वनाच्वंगुलिं खः । अथेहे बंगलादेशय् नं मध्यपूर्वया देशय् थें आतंकवादी घटना अप्वया वइ ला धकाः खःसा मेगु कारण नेतातय्गु गतिविधिं यानाः प्रजातान्त्रिक लक्ष्ययात ध्याकुनय् […]

अपर्णा प्रधान भाजु राज सायमियात जासुसी उपन्यासकार कथं म्हसिइकेगु याः । वय्कःयागु न्हापांगु जासुसी उपन्यास ‘यःम्ह शत्रु’ खः । वय्कःयागु ‘मुसुकाःगु ख्वबि’ व ‘न्ह्याये दुगु सर्गः’ निगू उपन्यास सामाजिक विषयवस्तुया उपन्यास खयां नं थाय्थासय् जासुसी घटना दुथ्याकादीगु दु । तर थ्व ‘पामिला’ उपन्यास मुक्कं हे सामाजिक उपन्यास खः । ‘पामिला’ उपन्यासय् झिंच्याद्या दुथ्याःगु दु । भाजु राज सायमि छम्ह साहित्यकार […]