साहित्य

थौं, गबले कि दु नेपाः छगुलिं ईं व मुगः झन्दाया क्वय् तर थबले हे फरफर ब्वैच्वन आङ्सा निपु झन्दाया च्वय् गन कि अहो ! थौं कन्नाचैपुक समावेशिता सीगु खना समताया गन न्ह्यानाच्वंगु तुकुचा तक नं दीगु खना गन कि हनं नं न्ह्याकल स्वस्वखं छ्वासय् धौबजि नयगु प्रथा सर्गः मदुगु फुसय् नं गय् ब्वल ईं व […]

येँ– प्रा.डा. चन्द्रमान बज्राचार्यया समालोचनात्मक सफू ‘कृति व दृष्टि’ थौं विमोचन जूगु दु । लहना मिडियाया ग्वसालय् किपुलिइ छगू ज्याझ्वःया दथुइ किपू नगरपालिकाया मेयर रमेश महर्जनं विमोचन यानादीगु खः । ज्याझ्वलय् न्ववानादिसें मू पाहाँ मेयर महर्जनं साहित्यया जक मखु, मुक्कं नेवाः ख्यःया समालोचना जुइमाःगु बिचाः तयादिल । नेपालभाषा एकेदमि लगायत नेपालभाषा मंकाः खलःया तकं समाचोलना […]

नेपालभाषा साहित्य ख्यलय् न्ह्याबलें लुमंका तयेमाःम्ह छम्ह साहित्यिक महापुरुषया नां चित्तधर हृदय खः । नेपालभाषा साहित्य, नेवाः जाति, संस्कृति, संगीत व कलाया थपू यायेत तन, मन धन बियाः थःगु समग्र जीवन फुकावंम्ह तसकं त्यागी व्यक्तित्वया नां हे चित्तधर हृदय खः । वय्कःया भाषा साहित्य सेवाया प्रारम्भ व वय्कलं नेपालभाषा साहित्य समृद्ध यायेया निंतिं यानादीगु दुग्यंगु योगदानया बारे […]

हिन्दी चिबाखं ज्ञानदेव मुकेश डाइनिंग टेबिलया प्यपां तुति ह्वालुइ धुंकल । जा नयेबलय् जिमित भुखाय् ब्वः थें च्वनावइ । थ्व समस्या ज्यंकेत जिमित छम्ह बांलाःम्ह सःम्ह सिँकःमि मालाच्वंगु दु । इलय् हे अज्याःम्ह सिँकःमि भाग्यं चू हे लात । उम्ह सिँकःमिं छम्ह कुशल सर्जनं थें प्यपां तुतियात न्हूगु जीवन बियाबिल । छेँय् दुगु मेमेगु फर्निचर नं चिधंगु तःधंगु ल्वचं कयेकाच्वने […]

चिनाखं # पुष्प मुनंकःमि जिं जिगु ख्वाः माः जुया पचिपचि यानाः थिया स्वया तर जिगु ख्वाः जिं लुइके मफु न्हाय्कं न्ह्यःने दनाः स्वया तर न्हाय्कनय् नं जिगु ख्वाः खंके मफु थःगु ख्वाः माः जुयाम्ह जि मामां गन जक मथ्यं जुइ शायद ! थौं जि कारय् च्वना अफिसय् वनाच्वना थःगु बंगलाय् झासु लनाच्वना इलय्ब्यलय् विदेशय् नं चाःहुला […]

# हृदयप्रसाद मिश्र दँय्दसें थें थुगुसी नं बजेट भाषण जुल । बेरोजगारतय्त ज्या दइगु । बेघरपिंत घर दइगु, अले गरिबतसें याउँक म्वाना नयेफइगु नीति सरकारं हइगु धयागु लोभं देगलय् निम्ह निखे सिंह पिवाः च्वनी थें जि नं टिभीया न्ह्यःने ग्वारामारा चिनाः धुकुक्क धायेक फ्यतुना । गणतन्त्रया ई फुक्कं नेतात पार्टीत समृद्ध नेपाः दयेकेगुली जिपिं लगे […]