साहित्य

यल- सः छगू फरक अभिव्यक्ति नांया साहित्यिक संस्थाया ग्वसालय् वंगु शनिवाः थनया इखालखु त्वालय् स्वम्ह च्वमिपिनि मंकाः चिबाखं मुँज्या जुल । ज्याझ्वलय् दिव्या ताम्राकार, रेणु श्रेष्ठ व ज्ञानीराजा मानन्धरं थःथःगु चिबाखं न्यंकादीगु खः । साहित्यकार सुधिर ख्वबिया सभापतित्वय् न्ह्याःगु ज्याझ्वलय् स्वम्हं च्वमिं थःपिनिगु न्यापु न्यापु चिबाखं ब्वनाः न्यंकादीगु खः । उगु चिबाखं मुँज्याय् नेपालभाषाया बाखं च्वमि राजा शाक्यलिसें […]

येँ – नांजाःम्ह च्वमि योगेन्द्र मान श्रेष्ठया न्हूगु सफू ‘सात साल लिपाया सात महिना’ पिहां वःगु दु । गणेशमान सिंह बुन्हि कुन्हु उपराष्ट्रपति नन्दबहादुर पुनं उकिया विमोचन यानादीगु खः । २००७ साल लिपाया तसकं उथलपुथलपूर्ण सात महिना बारे अतिकं दुग्यंक तथ्य सहित सफुली वर्णन यानातःगु दु ।

डियर हिसि छंगु अबैधानकि न्ह्यसःतयगु धलः न्यना जि ईलय् ब्यलय् ईतमतः कनिगु बदां माकु जुई कि मजुई ? आमै खुन्हु ख्युँसे च्वनि कि मच्वनिे ? बैशाखया निभालं पुई कि मपुई? चिकुलां चिकुसे च्वनि खला ? थुपिं व थज्यागु ईन्भ्यालिड न्हयसःत छं न्यना च्वनिगु नमूना न्हयसःत खः गबलें कपालय थिया पा फ धैगु गबले छाती ल्हा […]

  काशिनाथ टमोट संसार न्यनाच्वंगु नेपाललिपि सफूया हुनिं नेपाललिपिया विशेष ज्ञान दुपिं विदेश वनेमालेयः खनि । खँ चीनया हाङ्चाउ शहरया लिङ्यिन देगलय् दुगु भुजिंम्वः सफू स्वयेत जितः अन सःतूगु खँ थन न्ह्यथनाच्वना । खँ छु जुल धाःसा हाङ्चाउ बौद्ध प्रज्ञा–प्रतिष्ठानं ई. २०१६ अक्टोवर १५–१६ स बौद्ध सूत्रया भाषा व लिपिबारे देशंदेय्या न्हापांगु तःमुँज्या यात । अन भारत पुनाया […]

वंशीधर वज्राचार्य औपचारिक कथं जुइगु छुं नं मुँज्या, दँमुज्या, खँल्हाबल्हा, दबू, रेडियो, टिभी, पौ–पति, ब्वना–पति वा ज्याझ्वलय् सुं पाहां, हनेबहःम्ह मनूयात उगु ज्याया भाला काःम्ह मनू वा संचालक, ज्याझ्वः न्ह्याकीम्हं वा संचारख्यलं सम्बोधन याइबलय् गुलिं गुलिं मनूत न्ह्याथे धाःसां जिउ, न्ह्याथे च्वःसां जिउ कथं वनाच्वंगु खनेदु । व्यावहारिक जीवनय् ब्वनाः अध्ययन यानाः कयातःगु उपाधि, ज्या, लजगाःया […]

किंवदन्ति – नानीकाजि सापू येँ देय्या थःने लागाया परम्परागत त्वाः किलाघः त्वाःया पूर्वपाखे प्यकालँया छगू दुवाः दु । थ्व दुवाःया दथुइलाक्क धयाथें छगाः दु । व गालय् द्यः छम्ह नं दु । व द्यःया आकार धाःसा छुं मदु तर ह्वःप्वाः छप्वाः दुगु ल्वहं छगः दु । मनूतय्सं वयात हे द्यः धकाः पुजा याना वयाच्वंगु दु । थुम्ह द्यः मेपिं सुं नं […]