साहित्य

यल – नेपालभाषा परिषद्या ग्वसालय् वंगु आइतवाः थनया क्वपुंद्वँय् च्वंगु सातोआकी भवनय् बाखं गोष्ठि जुल । परिषद्या नायः प्रा. सुवर्ण शाक्यया सभापतित्वय् न्ह्याःगु ज्याझ्वलय् वरिष्ठ बाखं च्वमि नापं शिक्षाविद् हितकर वीर सिंह कंसाकार मूपाहांकथं झयादीगु खः । ज्याझ्वलय् बद्री वेदना, नरेश अमात्य, माणिक उराय, श्रीमिला सुवाल, राकेश भाजु, मिना वज्राचार्य, ज्ञानीराजा  मानन्धर, राजुराम मुनंकःमि, रेणु श्रेष्ठ, दिपना शर्मां थःथःगु बाखं ब्वनाः न्यंकादीगु खः […]

जीवनकाःछिं थःगु नसा चूलाकेत बुँ पालां मज्यःगु वयागु ल्हाः थःगु देय् म्वाकेत धिमे थानां मज्यःगु वयागु ल्हाः वं थौं लापा थानाः ज्ययेकाच्वन मंचया न्ह्यःने च्वनाच्वंम्ह छम्हसिनं छु ताराक्क लापा थात लापाया लिउलिउ सभाया दथुइ च्वनाच्वंम्ह वंं नं तारारारा लापा थानाबिल ता कि तारारारा लापा थाःम्ह वंं ताल वक्तां थ्व थाय्यात स्वर्ग दयेका बिइगु घोषणा यानाच्वंगु […]

थौं पुन्हि जूगुलिं न्हुछेबहादुर साहु ताःई लिपा जन्माःद्यइके वःगु खः । द्यः दर्शन यायेधुंकाः जनबहालं पिहां वयाः च्यापलाः झिपलाःति छु न्ह्याः वन जुइ, वं छगू सः ताल । ‘दाँत दुखेमा… कान पाकेमा… घाउ चोटपटक लागेमा… कफ, बाथ, पित्तको रोग भएमा… तुरन्त निको पार्ने औषधिहरू…’ धकाः हालाच्वंगु सः । व सः न्हुछेबहादुर साहुयात चीरपरिचित सः थें ताल । २५ दँ […]

न्हिकं यानाच्वंम्ह धन साहुनं छेँया पिने लाछिइ ‘पुरानो कागज, अखबार, किताब, कापी… फलाम, कवाडी सामान….’ धकाः ततसकं हालाहःगु हाःसः तायेवं न्हिकं यायेगु दिनाः कःसिइ वनाः स्वःवन । कवाडी छेँ क्वय् भचा मथ्यंनिबलय् धन साहुनं धयाछ्वत –‘अय् मस्र्या, पख पख । कवाडी सामान छ । म तल आउँदै छु ।’ ल्याय्म्हचाम्ह कवाडीं कःसिइ थस्वयाः धन साहुयागु ख्वाः छक्वः स्वल । साइकल […]

मंगलमान शाक्य चेस रत्नध्वज जोशी छम्ह चेसया सौखिन कथं चालीसया दशकय् जि ंदकले न्हापां वय्कःनाप हे चेस म्हिताः म्हसिउगु खः । थ्व ई धैगु जिं साहित्यया कखग सयेकेत स्वया च्वनागु ई । जि झिदँ दुबलय्निसें चेस म्हिते सःगु । जिगु समवययाम्ह विश्वनाथन आनन्दया ई नापनापं जिं न चेस म्हिता त्याकावनागु खः सन् असीया दशकय् । आनन्दयातथें जितः नं उबले […]

येँ – नेवाः न्ह्यलुवा लिसें उपन्यासकार मल्ल के. सुन्दरं च्वयादीगु ऐतिहासिक उपन्यास ‘शंखधर’ या खस नेपाली भासं जुयाच्वंगु अनुवाद सफू शुक्रवाः विमोचन जुल ।राष्ट्रिय विभूति शंखधर साख्वाः प्रतिष्ठानया ग्वसालय् जूगु ज्याझ्वलय् वाङ्मय शताब्दी पुरुष सत्यमोहन जोशीं उगु सफू विमोचन यानादीगु खः । ज्याझ्वलय् उपन्यासया समीक्षा यानादिसें समालोचक डा. अभि सुवेदीं इतिहासया छुं विषययात कयाः थुलि दुग्यंक च्वयातःगु […]