संस्कृति

येँ – येँया झ्वलय् जात्रा यायेमाःपिं गणेद्यः व भेलु हिलेगु बारे गुथि संस्थानय् म्हिगः जूगु सहलह ज्याझ्वः नं असफल जूगु खँ सीदुगु दु । वर्तमान गणेश व भैरवया परिवारं थ्व सालय् गणेद्यः व भेलु महिलेगु अडान काःगुलिं वार्ता असफल जूगु खँ धाःगु दु । म्हिगः जूगु वार्ताय् थीथी झिंखुगूं संस्थां ब्वति काःगु खः । गुथि […]

येँ – येँया २२ वडाय् लाःगु प्रसिद्ध देगलय् थनिनिसें द्यःया दर्शन यायेगुलिं प्रतिबन्ध तःगु दु । २२ वडाया वडाध्यक्ष चिनकाजी महर्जनं संकटा मन्दिर संरक्षण समितिया छगू पौं च्वयाः हलिंन्यंकं कोरोना भाइरसया प्रकोप न्यना वनाच्वंगु धासें २२ वडाय् लाःगु फुक्कं देगलय् नित्य पुजा बाहेक भक्तजनयात देगलय् दुमकायेत इनाप यानातःगु दु । २२ वडाय् लाःगु तेबाः भद्रकाली, […]

थिमि – नगदेश बुद्ध विहारय् विहारया उपासक रत्नबहादुर बाडेया सक्रियाताय् पलिस्था याःगु चैत्यया अनावरण याःगु दु। अखिल नेपाल भिक्षु महासंघया अध्यक्ष श्रद्धेय भिक्षु मैत्री महास्थविरं अनावरण याना बिज्याःगु खः । वसपोलपाखें पंचशील ग्रहण यासे बुद्ध पुजा यानाः न्ह्याःगु ज्याझ्वलय् विहारया उपासकलिसें मध्यपुर थिमि नगरपालिका वडा नं. ७या वडा अध्यक्ष कृष्णकुमार प्रजापतिं लसकुस यासें आवंलि उगु थाय्यात चैत्य मार्ग धायेगु व नगदेशयात ऐतिहासिक व सांस्कृतिक महत्व बीकथं नागदेश नामाकरण यानायंकेगु धयादिल । मूपाहां […]

यल – बुंगद्यःया देगः पुनःनिर्माणया ज्या न्ह्याः वनीगु जूगु दु। भुखाय् ब्वःगु न्यादँ दयेत्यंगु इलय् नं आतक नं पुनःनिर्माणया ज्यां गति काये मफयाच्वंगु देगः पुनःनिर्माण न्ह्यःने न्ह्याकीगु जूगु दु । राष्ट्रिय पुनःनिर्माण प्राधिकरणं बुंगद्यःया देगः पुनःनिर्माणया निंतिं उपभोक्ता समिति गठन यायेत धासें छुं दिं न्ह्यः जक पुरातत्व विभागयात छ्वःगु पौ प्राप्त जूगु खँ सीदुगु दु। प्राधिकरणं विभागयात करिब निला न्ह्यः हे बुंगद्यःया देगः […]

येँ – कोरोना भाइरसया लिच्वः देय्या अर्थतन्त्र व समाजय् जक मखु परम्परांनिसें न्ह्याना वयाच्वंगु जात्रा पर्व थेंज्याःगु सांस्कृतिक ज्याखँय् नं लाःगु दु । थ्व झ्वलय् न्ह्यःने वयाच्वंगु पाहांचः¥हेबलय् द्यः ल्वाकीगु जात्रा थुगुसी मयाइगु जूगु दु । पाहांचः¥हेबलय् येँया तिंख्यलय् व असनय् द्यः ल्वाकेगु जात्रा याइगु खः । थुगुसी थ्व नितां जात्रा मयायेगु निर्णय सम्बन्धित गुथितय्सं याःगु खः । कोरोना […]

येँ – स्वनिगःया साय्मितय् परम्परागत स्वयम्भू भ्वय् (न्हय्सः साय्मि भ्वय्) वंगु शनिवाः थनया भुइख्यलय् तःजिक जुल । स्वनिगःनापं स्वनिगलं पिनेया साय्मित नापं यानाः १४०० यात भ्वय् नकेगु ज्या जूगु खः । केन्द्रीय मानन्धर संघया सभापति मनोजकुमार मानन्धरया सभापतित्वय् जूग ज्याझ्वलय् संघया उपसभापति बद्रीनारायण मानन्धरं लसकुस यानादीगु खः । ज्याझ्वलय् थुगु दँय् ज्याः जंक्व यानादीपिं निम्हतिपू व छम्ह याकः […]