संस्कृति

किपू – थगुने कोरोनाया कारणं स्थगित जूगु थनया देवी प्याखं थुगुसी क्यनेगु ज्या जुल । दँय्दसं मोहनि नखःया इलय् क्यनीगु थनया देवी प्याखं थुगुसी वंगु शनिवाः सार्वजनिक याःगु खः। किपू नगरपालिका वडा नं. १० स्थित तःननि दाफा खलःपाखें उगु देवी प्याखं तःननि त्वालय् क्यनेज्या याःगु खः । किपूया हे अमूर्त सांस्कृतिक सम्पदाया रुपय् कयातःगु थुगु देवी प्याखनय् […]

येँ – नेपाःया दकलय् तःधंगु धाःगु मोहनि नखः मन्यायेकीगु खोनाय् सिकालि द्यःया तःजिगु जात्रा शुरु जूगु दु । खोनाय् मोहनिया नःलास्वां पीगु ज्या जुइ मखु । बरु उकिया पलेसा सिकालि द्यःया जात्रा जुइ । थन जुइगु सिकालि द्यःया जात्रा धाःसा येँय् च्वंम्ह पचलि भैरवया जात्रालिसे ज्वःलाः । येँय् पचिम¥हः कुन्हु चान्हय् पचलि भैरवया त्यपयात जात्रा याइगु खःसा खोनाय् नं […]

येँ -चाबहिली वंगु छुं न्हि न्ह्यवंनिसें सनिलय् छपुचः ल्याय्तम्हत खिं, ताः व छुस्याः थानाः म्ये हालाच्वंगु न्यनेदुसा स्वम्ह–प्यम्ह मिजं मस्त ल्हाः व तुति संकाः वहे ताल नापं तुं प्याखं हुलाच्वंगु खनेदु । ‘थ्व नागेंचा प्याखंया प्रशिक्षण जुयाच्वंगु खः’ नागेंचा प्याखं संरक्षण समितिया नायः भाजु जलदराज वैद्यं कनादिल । “च्यादँ दत थ्व प्याखं दिनाच्वंगु, येँ महानगरपलिकाया मेयर भाजु […]

सुजनबिलास बज्राचार्य संसारय् मनूयात द्यःभाःपियाः राज्यं हे हनीगु चलन गनं दुसा व नेपालय् हे जक दु । छम्ह मिसामचायात द्यःदयेकाः याइगु परम्परा विश्वया नितिं हे तसकं अजू चायापुगु खँ खः । उकिसनं हिन्दू व बौद्धतय्गु मंकाः द्यःकथं हनीगुलिं विदेशी विद्वान्तय्गु नितिं नंथ्व छगू अनुसन्धानया बिषय जुयाच्वंगु दु । हिन्दू धर्म आस्तिक धर्म खःसा बौद्ध धर्म […]

डा. निर्मला जोशी नेवाःतय् न्ह्याग्गु नखःचखः हंसां चन्द्रमाया गतिया लिधंसाय् हनी । छुं विशेष तिथियात कयाः थःगु संस्कृतिकथं देशं देय्या मनूतय्सं न्ह्यइपुक नयेत्वने यानाः नखःचखः हनी । नेपाः देय् तजिलजिया ल्याखं तःमिगु देय् धकाः नां दं । थन हनाच्वंगु नखःचखः सामाजिक, मनोवैज्ञानिक, वैज्ञानिक दृष्टिं नं महत्वपूर्ण खनेदु । थन हनाच्वंगु नखःचखलय् प्रकृति व जनजीवनया गतिविधि दुबिनाच्वंगु नं उत्तिकं हे […]

उर्मिला ताम्राकार तःचतं गुथि धयागु मरु पिगंननि, काष्ठमण्डप नगरया ताम्राकार (तवः)तय्सं द्वलंद्वः दँ न्ह्यःनिसें थौंतकं मदिक्क न्ह्याका वयाच्वंगु पञ्जरां गुथि खः । ‘पञ्जरां’ नेपाल मण्डलय् नेवाः बौद्धतय्सं दानया हे नामं हनीगु छगू अतिकं महत्वपूर्णगु मौलिक नखः खः । थ्व नखः यलय् गुंलाथ्व अष्टमीखुन्हु न्यायेकीगु खःसा येँ, किपू, थिमि, ख्वप व भ्वँतय् गुंलागा त्रयोदशिकुन्हु न्यायेकी । […]