बुखँ

येँ/लाखेप्याखं नेवाःतय् मौलिक संस्कृति खः । मूलतः लाखेप्याखं धायेवं थ्व नेवाःतय् बाहुल्यता दुगु थासय् नेवाःतय्‌सं हे संगठित रुपं पिथनाः क्यनेगु याना वयाच्वंगु दु । देशय् दुने थीथी जिल्लाय् जक मखु, देशं पिने नं नेवाःतय्‌सं लाखे प्याखं प्रदर्शन याना वयाच्वंगु दु । नेवाःत गन गन ख्वाःतकु बसोबास यानाच्वंगु दु, अन अन हे नेवाःतय्‌सं लाखेप्याखं पिथनाः क्यनेगु याना वयाच्वंगु दु । […]

येँ (नेपालभाषा टाइम्स)/गुंला सिधयेवं सुरु जुइगु यँयाःलिसे सम्बन्धित थीथी ज्याझ्वःया साइत पिहां वःगु दु । नेपाल पञ्चांग निर्णायक विकास समितिपाखें थ्व साइत तयार याःगु खः । समितिं सार्वजनिक याःगु ज्याझ्वः कथं यःसिं थनेगु लागिं नालाय् सिँ काः वनेगु साइत यंलाथ्व दुतिया (भदौ ९ गते) सोमवाः कुन्हु सुथय् ९ः४६ बजे पिहां वःगु दु । वकुन्हु सुथय् […]

येँ/ विद्यालय शिक्षा सम्बन्धी विधेयक–२०८० संसदया शिक्षा, स्वास्थ्य तथा प्रविधि समितिइ अन्तिम सहलह यायेत्यंगु इलय् निजी विद्यालयतय् निगू संगठन प्याब्सन व एन–प्याब्सनं मंकाः आन्दोलन याइगु जूगु दु । म्हिगः निगुलिं संगठनं मंकाः पत्रकार सम्मेलन मार्फत न्यागू बुँदाया माग न्ह्यब्वयाः आन्दोलन घोषणा याःगु खः । निजी विद्यालय संगठनतय्‌सं थःपिनि अस्तित्व व योगदानयात वेवास्ता यायेकथं विधेयकय् अव्यवहारिक व अन्यायपूर्ण […]

  येँ/सत्तारुढ दल एमाले व कांग्रेसं उपसभामुख इन्दिरा राना मगरयात चीकेगु निंतिं हस्ताक्षर मुंकूसां तत्काल दर्ता धाःसा मयाइगु जूगु दु । थ्व स्वयां न्ह्यः नं उपसभामुख मगरयात चीकेगु कुतः याःगु खः। मगरं निदँत्या न्ह्यः अमेरिकी राजदूतावासय् च्वःगु छपु पौया खँयात कयाः वय्‌कःयात चीकेगु कुतः जुयाच्वंगु खः । संवैधानिक परिषदय् सत्तारुढ दलया पक्षय् बहुमत दयेकेगु लागिं उपसभामुख मगरयात […]

थिमि (नेपालभाषा टाइम्स)÷ मध्यपुर थिमि नगरपालिका–८ बोडेय् म्हीग निसें बोडेया नांजाःगु निलबाराही प्याखँ पिकाःगु दु । दैवी शक्ति व तान्त्रिक विधि कथं स्वन्हु प्यचा तक निलबाराहीया द्यः प्याखँ हुइकेगु याइ । द्यः गणय् झिंगुम्ह द्यःपिं दुथ्याइसा बाजं थाइपिं यानाः सछि स्वयां अप्वः मनूत जात्राय् संलग्न जुइगु याइ । सापारुया कन्हय् कुन्हु चान्हय् द्यः छेँ नं द्यः पिहां विज्यायेधुंकाः […]

येँ(नेपालभाषा टाइम्स)÷जीवित देवी कुमारि माजुं बहीद्यः स्वयाबिज्याःगु दु । गुंलाया इलय् बहीद्यः स्वयेगु छगू परम्परा खः । थ्व झ्वलय् जीवित देवी कुमारि माजुयात इतुंबहालय् बिज्याकाः बहीद्यः दर्शन याकूगु खः । बहीद्यः स्वयेत कुमारि माजुयात इतुंबहालय् बिज्याकूगु इलय् इतुंबहाःया स्थानीयलिसें आपालं भक्तजनतय्सं तःजिक लसकुस याःगु खः । वसपोलयात कुमारि छेँया चिताइदारं इतुंबहालय् बही स्वयेत बिज्याकूगु खः […]