भुखाचं क्षति जूगु सम्पदा पुनःनिर्माण क्वचाल : महर्जन

यल(नेपालभाषा टाइम्स)/ यल महानगरपालिका प्रमुख चिरिबाबु महर्जनं छगू दशक न्ह्यःया विनाशकारी तःभुखाचं क्षति जूगु यल महानगर दुनेया दक्वं सम्पदा पुनःनिर्माण क्वचाःगु खँ धयादीगु दु । यल महानगर प्रमुख महर्जनं २०७२ सालया गोरखाया बारपाक केन्द्र विन्दु जुयाः ब्वःगु विनाशकारी तःभुखाचं क्षति याःगु सांस्कृतिक महत्वया सम्पदा पुनःनिर्माण क्वचाःगु धयादीगु खः ।
सिजन मिडियाया १७ क्वःगु वार्षिकोत्सवया लसताय् जूगु ज्याझ्वलय् नवासें वंगु मंगलवाः यलय् जूगु ज्याझ्वलय् नवासें यल महानगर प्रमुख महर्जनं उगु खँ धयादीगु खः । ज्याझ्वलय् नवासें वय्‌कलं आपालं हाथ्याया दथुइ नं थःपिंसं फक्व ज्या यायेत न्ह्यचिलागु धयादीगु खः । यल महानगर प्रमुखया रुपय् थःगु थ्व लिपांगु कार्यकाल खः धासें वय्‌कलं यल महानगरया दक्वं क्षेत्रया विकासया निंतिं तदारुकतापूर्वक ज्या यानागु नं वय्‌कलं दावी यानाः धयादिल ।
सरकारलिसे सहकार्य यायेबलय् सम्पदा पुनःनिर्माण सम्भव खने मदयेवं महानगर थःपिंसं हे याकःचां ज्या यानाः सम्पन्न यानागु वय्‌कःया दावी दु ।