बुखँ

येँ – येँ महानगरपालिकाया प्रमुख विद्यासुन्दर शाक्यं थीथी खोप केन्द्रय् झायाः अनुगमन यानादीगु दु । ६० दँ निसें ६४ दँ तकया नागरिकतय्त मंगलवाः निसें कोभिड १९ विरुद्धया चिनियाँ खोप भेरोसिल बीगु सुरु याःगु खः । खोप केन्द्रया अनुगमन यायेगु झ्वलय् महानगर प्रमुख शाक्यं ६० निसें ६४ दँ तकया सकसिनं खोप कयादीत इनाप यानादीगु दु । […]

येँ – प्रतिनिधिसभा विघटन सम्बन्धी मुद्दायात कयाः सर्वोच्च अदालतं कारण देखाउ आदेश जारी याःगु दु । म्हिगः जूगु बहस लिपा सर्वोच्च अदालतं राष्ट्रपति कार्यालय लगायत विपक्षीया नामय् कारण देखाउ आदेश जारी याःगु खः । अथे हे प्रतिनिधिसभा विघटनयात कयाः असार ९ गते निसे नियमित सुनुवाइ जुइगु जूगु दु । बहसया झ्वलय् रिट निवेदकपिंपाखें बहस यायेगु […]

येँ- नांजाःम्ह हास्यकलाकार मदनकृष्ण श्रेष्ठ अस्पतालं डिस्चार्ज जुयादीगु दु । छुं न्हि न्ह्यः आकाझाकां नुगःचु स्यानाः वय्कः शहीद गंगालाल हृदयरोग केन्द्रय् भर्ना जुयादीगु खः । आः उसाँय् बांलाःगुलिं म्हिगः अस्पतालं डिस्चार्ज याःगु खँ वय्कःया काय यमन श्रेष्ठ व भौ रिन्कु वज्राचार्यं सामाजिक सञ्जाल मार्फत सार्वजनिक यानादीगु दु । आः भाजु श्रेष्ठयात मेगु निवाः पूर्ण आराम […]

एजेन्सी- फ्रान्सया राष्ट्रपति इमानुएल म्याक्रोंयात दक्षिणपूर्वी क्षेत्रय् भ्रमण यानाच्वंगु इलय् सार्वजनिक थासय् हे न्यतालय् दाःगु खः । सामाजिक सञ्जालय् भाइरल जूगु छगू भिडियोय् भ्यालेन्स शहरया पिने भ्रमण यानाच्वंगु इलय् राष्ट्रपति म्याक्रों सुरक्षा बार तयातःथाय् च्वनाः मनूतय्त नापलानाच्वंगु इलय् छम्ह मिजंम्हेसिनं थप्पड नकूगु खः । ह्याउँगु टिसर्ट फिनातःम्ह उम्ह मिजनं थप्पड नकेवं सुरक्षाकर्मीतय्सं राष्ट्रपतियात सालायंकूगु भिडियोय् […]

किपू – विश्व वातावरण दिवसया लसताय् लाकाः थन वृक्षारोपण याःगु दु । थनया फोहर व्यवस्थापन व प्रशोधन केन्द्रय् वृक्षारोपण याःगु खः । दँय्दसँ जून ५ कुन्हु न्यायेकीगु विश्व वातावरण दिवसया किपू नगरपालिकां वृक्षारोपण यानाः थ्व दिवस हंगु खः । वृक्षारोपण ज्याभ्mवः किपू नगरपालिका, वातावरण व जनस्वास्थ्य, फोहरमैला व्यवस्थापनलिसे सम्बन्धित प्यंगू संस्थाया मंकाः ग्वासलय् जूगु खः […]

येँ – प्रधानन्यायाधीश चोलेन्द्रशम्शेर जबरा आकाझाकां म्ह मफयाः स्थगित जुयाच्वंगु प्रतिनिधिसभा विघटन सम्बन्धी मुद्दायात कयाः थौं सुनुवाइ जुइगु जूगु दु । वंगु जेठ २३ गते च्वनेगु कथं तिथि क्वःछिनातःगु खःसा प्रधानन्यायाधीश जबरा म्हं मफयेवं सुनुवाइ स्थगित जुयाच्वंगु खः । संवैधानिक व्यवस्था कथं प्रधानन्यायाधीशया अध्यक्षताय् संवैधानिक इजलास गठन यायेमाः । संवैधानिक इजलासय् प्रधानन्यायाधीश जबरालिसें वरिष्ठ न्यायाधीशपिं दीपककुमार कार्की, मीरा […]