बुखँ

येँ- निर्वाचन आयोगं ४१ गू राजनीतिक दलया दर्ता खारेज याना बिउगु दु । आयोगया मंगलवाः च्वंगु बैठकं ४१ गू राजनीतिक दलया दर्ता खारेज यायेगु निर्णय याःगु खः । आयोगं साउन २० गतेनिसें लागू जुइकथं आयोगय् दर्ता जुयाच्वंगु ४१ गू राजनीतिक दलया दर्ता खारेज यायेगु निर्णय याःगु आयोगया प्रवक्ता राजकुमार श्रेष्ठं जानकारी बियादीगु दु । दल दर्ता खारेज जूगुलिइ […]

येँ -नेपाल विद्युत प्राधिकरणया कार्यकारी निर्देशक हितेन्द्रदेव शाक्यं थःत उचित जिम्मेवारी बिल धाःसा ग्वाहालि यायेगु खँ धयादीगु दु । म्हिगः छुं पत्रकारतलिसे खँ ल्हासें वय्कलं सरकारं थःत न्ह्याग्गु जिम्मा बिउसां नं स्वीकार्य दुगु खँ धयादीगु खः । प्राधिकरणय् कुलमान घिसिङयात हयेगु चर्चा जुयाच्वंगु इलय् वय्कलं पत्रकारलिसे खँ ल्हासें प्राधिकरणं थः चिलेत तयार दुसां नं अन्याय […]

किपू- थनया ऐतिहासिक लाय्कू (दरवार) पुनःनिर्माण यायेगु सन्दर्भय् थीथी स्थानीय तहया प्रमुखयात स्थलगत अवलोकन याकेगु ज्या जूगु दु । थनया ऐतिहासिक दरवार पुनःनिर्माण यायेगु सन्दर्भय् येँ महानगरपालिका प्रमुख विद्यासुन्दर शाक्य व मध्यपुर थिमि नगरपालिका प्रमुख मदनसुन्दर श्रेष्ठयात लाय्कूया स्थलगत अवलोकन याकूगु खः । येँ महानगर प्रमुख शाक्य, मध्यपुर थिमिया प्रमुख श्रेष्ठ, येँ जिल्ला समन्वय समितिया प्रमुख शिवसुन्दर […]

येँ -स्वनिगलय् कोरोना संक्रमितया ल्याः अप्वया वयेवं अस्पतालत नं धमाधम जाया वनेगु क्रम शुरु जूगु दु । स्वनिगःया थीथी अस्पतालय् कोरोनाया विरामी वयेगु क्रम अप्वया वंगुलिं कोरानाया स्वंगूगु लहर वःगु धासें सरकारं सचेत जुइत सर्वसाधारण जनतायात इनाप याःगु दु । म्हिगः जक देय्न्यंकं ३३८३ म्ह न्हूपिं संक्रमित लूगु खः । विरामी अप्वयेवं वीर, टिचिङ, पाटन, सशस्त्र प्रहरीया कोरोना […]

येँ – संघीयता खारेज यायेमाः धासें विवेकशील साझा पार्टीया संयोजक रवीन्द्र मिश्रं हःगु प्रस्ताव विरुद्ध उगु हे पार्टीया प्यम्ह नेतां फरक प्रस्ताव दर्ता याःगु दु । पार्टीया केशव दाहाल, रञ्जु दर्शना, डा. रोजन्द्र पंगेनी व मिलन पाण्डें मिश्र विरुद्ध प्रस्ताव हःगु खः । थ्व प्यम्ह नेतातय्सं मिश्रयात न्यंगु दु, ‘संघीयतां ज्या मयात धकाः खारेजीया माग यानादिल, पार्टीं […]

येँ -केन्द्रय् जूगु सरकार परिवर्तन लिपा आः लुम्बिनी व बागमति प्रदेशय् नं एमाले समर्थित सरकार क्वःदलीगु स्पष्ट संकेत खने दया वःगु दु । लुम्बिनी प्रदेशया मुख्यमन्त्री शंकर पोखरेल विरुद्ध म्हिगः अविश्वासया प्रस्ताव दर्ता जूगु दुसा बागमति प्रदेशया मुख्यमन्त्री डोरमणि पौडेल विरुद्धया अविश्वास धाःसा छुं ई स्थगित जूगु दु । मुख्यमन्त्री पौडेल विरुद्ध अविश्वास प्रस्ताव तयेत माओवादी व […]