बुखँ

येँ (नेपालभाषा टाइम्स)÷वाङमय शताब्दी पुरुष सत्यमोहन जोशीया स्वास्थ्य जटिल जुइवं हानं आईसीयुलय् तःगु दु । अस्पतालया निर्देशक प्रा.डा. सुरज वज्राचार्यया कथं जोशीयात वासलं ज्या यायेगु त्वःतूगुलिं थप समस्या जूगु खः । वंगु बिहीवाः जोशीया स्वास्थ्यय् छुं सुधार जुइवं डिलक्स क्याबिनय् तयाः वासः याःगु खःसा म्हिगः हाकनं स्वास्थ्य समस्या वयेवं आईसीयुलय् तयेमाःगु खः । जोशीयात अक्सिजनया मात्रा म्हो जुइवं […]

यल(नेपालभाषा टाइम्स)- नेपालभाषा एकेदेमिपाखें दँय्दसं लःल्हाना वयाच्वंगु दान्यहिरा सिरपाः थुगुसी स्वम्ह विशिष्ट योगदान बियादीपिं व्यक्तित्वपिंत लःल्हाइगु जूगु दु । एकेदेमिपाखें दँय्दसं लःल्हाना वयाच्वंगु थुगु सिरपाः थुगुसी भाषा साहित्य, संगीत व विज्ञान प्रविधिया ख्यलय् योगदान बियादीपिंत लःल्हायेत्यंगु खः । भाषा, साहित्य, संस्कृतिया ख्यलय् ज्वःमदुगु योगदान बिया वयाच्वनादीम्ह व्यक्तियात लःल्हाना वयाच्वंगु थुगु सिरपाः थुगुसी साहित्य व संस्कृतिया ख्यलय् बियादीगु […]

येँ (नेपालभाषा टाइम्स)- मंसिर ४ गते जुइगु चुनावयात कयाः सुनां नं मत सर्वेक्षण याये मदइगु जूग दु । निर्वाचन आयोगं म्हिगः छगू प्रेस विज्ञप्ति जारी यासें निर्वाचन आचार संहिता लागू जुइधुंकूगुलिं सामाजिक सञ्जालपाखें समेत मत सर्वेक्षण याये मदइगु खँ धाःगु खः । उम्मेदवारया मनोनयनपत्र दर्ता जूगु न्हिनिसें मतदान क्वमचाःतले उम्मेदवार वा राजनीतिक दलया मत परिणामबारे छुं नं […]

येँ (नेपालभाषा टाइम्स)÷नेपाली कांग्रेसं गठबन्धनया उम्मेदवार विरुद्ध बागी उम्मेदवार जूपिंत वइगु असोज ३१ गते तक उम्मेदवारी निष्क्रिय यायेत निर्देशन बिउगु दु । कांग्रेसं म्हीग छगू विज्ञप्ति पिकासें सत्ता गठबन्धन विरुद्ध बागी उम्मेदवारी बिउपिंत न्यादँया नितिं पार्टीं निष्काशन याःगु खःसा म्हिगः हाकनं मुख्य सचिव कृष्णप्रसाद पौडेलं मेगु विज्ञप्ति जारी यासें उम्मेदवारी निष्क्रिय यात धाःसा कारबाही फुकुवा यायेगु […]

येँ(नेपालभाषा टाइम्स)÷येँ महानगरपालिका वडा नं. ५ नरलय् जुइगु चोक्काथुनारायण (नरः जात्रा)या स्वंगुलिं मूर्ति द्यःछेँय् बिज्याकूगु दु । नर लागाय् जुइगु चोक्काथुनारायणया जात्राया स्वंगुलिं मूर्ति कोटालत्वाःया द्यःछेँय् बिज्याकेवं जात्रा नं क्वचाःगु दु । दँय्दसं कतिंपुन्हिकुन्हु जुइगु जात्राया स्वंगुलिं मूर्तियात कौलागा तृतियाया दिनय् द्यःछेँय् बिज्याकूगु खः । द्यःयात द्यःछेँय् बिज्याकेवं थुगुसीया जात्राया सकतां ज्या क्वचाःगु पूर्व वडाअध्यक्ष रमेश डंगोलं कनादिल । […]

येँ (नेपालभाषा टाइम्स)÷भ्रष्टाचार, फौजदारी कसुर व नैतिक पतन खनेदइगु कसुरय् मुद्दा फयाच्वंपिं फुक्क हे उम्मेदवारतय् उम्मेदवारी खारेज जुइमाः धइगु माग यासें सर्वोच्च अदालतय् रिट दर्ता जूगु दु । कांग्रेस नेता विजयकुमार गच्छदारसहितया नेतातय् उम्मेदवारी खारेज जुइमाः धइगु माग यासें म्हिगः सर्वोच्च अदालतय् रिट दर्ता याःगु खः । अधिवक्ता अनिल आचार्यं म्हिगः प्रतिनिधिसभा व प्रदेशसभाया ११ म्ह उम्मेदवार […]