बुखँ

येँ(नेपालभाषा टाइम्स)- ड्रिमवल्र्ड अफ फिल्म मेकर्स प्रा.लि.या ग्वसालय् ‘सोसियल मिडिया फिल्म अवार्ड–२०७८’ जुल । नेपाःया हे न्हापांम्ह मिसा क्यामरापर्सन शवनम मुखियाया प्रा.लिं ग्वसाः ग्वःगु अवार्ड ज्याझ्वलय् थीथी २२ गू विधाय् अवार्ड लःल्हाःगु खः । ज्याझ्वलय् माओवादीया द्वन्द्वकालीन बाखंया लिधंसाय् दयेकातःगु ‘बेलुन’ नांया चीहाः संकिपां सर्वोत्कृष्ट अवार्ड त्याकेत ताःलाःगु खः । उत्कृष्ट युट्युब भिडियो, उत्कृष्ट निर्देशक, उत्कृष्ट अभिेनता, उत्कृष्ट […]

यल(नेपालभाषा टाइम्स)÷ ताम्रकार समाजया ग्वसालय् न्याक्वःखुुसी मंकाः बाःह्राः पिथनेगु ज्या जुल । समाजया व्यवहार व्यवस्था उपसमितिपाखें न्याक्वःखुसी थुकथं मंकाः बाःह्राः तयाः पिथनेगु ज्या याःगु खः । उपसमितिया संयोजक मनोज ताम्रकारं समाजं नियमित रुपं इहि, कय्तापुजा थें मंकाःकथं बाः¥हाः तयेगु ज्या वंगु छुं दँ न्ह्यवनिसें याना वयाच्वनागु जानकारी बियादिल । लिसें वय्कलं २४ म्ह मिसा मस्तय्त छकू हे क्वथाय् […]

येँ (नेपालभाषा टाइम्स)- बञ्चरेडाँडा ल्याण्डफिल साइटय् हानं फोहोर वाके मबीगु ख्याच्वः स्थानीय वासिन्दातय्सं बिउगु दु । बञ्चरेडाँडा ल्याण्डफिल्ड साइट प्रभावित क्षेत्र सरोकार समितिं आः वइगु बैशाख तक थःपिनि माग पूमवंकल धाःसा वइगु जेठंनिसें फोहोर वाके मबीगु ख्याच्वः बिउगु खः । सरोकार समितिया संयोजक श्रीराम ढुंगाना व उपसंयोजक सनत उप्रेतीं मंकाः रुपय् प्रधानमन्त्री तथा मन्त्रिपरिषद् कार्यालय, सहरी विकास […]

येँ (नेपालभाषा टाइम्स)÷चाबहीया गंगाहितिइ च्वंगु परम्परागत दिपय् सी उइ दइ मखु धकाः सर्वोच्च अदालतं याःगु फैसलायात कयाः स्थानीय नेवाः समुदाय व खलः पुचःतय्सं चिउताः प्वंकूगु दु । उगु लागाय् लिपा छेँ न्यानाः च्वं वःपिं आप्रवासीतय्सं पुलांगु दिपय् सी उइके बी मखु धकाः न्हापांनिसें प्रतिकार यानाच्वंगु खःसा लिपांगु इलय् उमिसं थुकिया विरुद्ध सर्वोच्चय् रिट दायर याःगु खः । […]

ख्वप(नेपालभाषा टाइम्स)÷ बुद्ध जन्मस्थल लुम्बिनीइ छुं ई न्ह्यः भारतया धार्मिक गुरु मोरारी बापूपाखें जूगु रामकथा वाचन ज्याझ्वः धार्मिक अतिक्रमण जूगु थन जूगु छगू ज्याझ्वलय् नवानादीपिं वक्तातय्सं धाःगु दु । मैत्रेय युवा संघया २६ क्वःगु वार्षिकोत्सवलिसें दँमुँज्या ज्याझ्वलय् नवानादीपिं वक्तापिंसं बुद्ध जन्मस्थल थेंज्याःगु पवित्र थासय् जूगु उकथंया ज्याझ्वःयात धार्मिक अतिक्रमणया संज्ञा बिसे लुम्बिनी विकास कोषं नं अज्याःगु […]

ख्वप (नेपालभाषा टाइम्स)- ख्वप नगरपालिकां नं सतक पेटी कब्जा यानाः तयातःगु पसःया सामान व मोटरसाइकलत जफत यायेगु शुरु याःगु दु । सतक पेटीइ व सर्भिस ट्रयाकय् गुगुं नं कथंया सवारी साधन मतयेत व व्यापार व्यवसाय मयायेत नगरपालिकां तःक्वःमछि निर्देशन बिलं नं अटेर याःगुलिं ख्वप नपां मोटरसाइकल सहित सामान जफत याःगु खः । नगरपालिकाया अनुगमन समितिया संयोजक राजकृष्ण […]