बुखँ

येँ(नेपालभाषा टाइम्स)- ज्याथःम्ह म्येँ हालामि जुजुभाई तुलाधरया न्हूगु म्येँ ‘मतिनया संसार’या म्युजिक भिडियो पिहां वःगु दु । थ्व स्वयां न्ह्यः निपु म्येँया म्युजिक भिडियो पिथनादीधुंकूम्ह वय्कःया स्वपुगु म्येँया म्युजिक भिडियो छुं दिं न्ह्यः जक पिहां वःगु खः । म्येँ हालामि तुलाधरया न्हूगु म्युजिक भिडियो या निर्देशन व सम्पादन सुरेन्द्र तुलाधरं यानादीगु खः । म्येँ हालामि तुलाधरया थ्व स्वयां […]

यल(नेपालभाषा टाइम्स)- लकस नेपाल नांया संस्थां थःगु झिंस्क्क्वःगु स्थापना दिवस हनेगु झ्वलय् थीथी व्यक्ति व संघसंस्थायात हनेज्या याःगु दु । संस्थां थःगु स्थापना दिवसया लसताय् गोदावरी नगरपालिका वडा नं. ६ लामिडाँडाया गणेशबहादुर नगरकोटीयात ‘लकस नेपाल वर्ष व्यक्तित्व सम्मान – २०८०’ लःल्हाःगु खः । संस्थाया सहजीकरणय् १४ हजार लिटरया लः शुद्धिकरण ट्यांकी निर्माण व व्यवस्थापनय् निरन्तर रुपं क्रियाशील […]

येँ (नेपालभाषा टाइम्स)- नेपालभाषा ख्यालः विधाया पुलांगु संस्था ‘मुनासः’ हानं म्वाकीगु जूगु दु । मुनासः नीस्वंगु न्यय्दँ क्यंगु लसताय् ख्यालः सम्बन्धी छगू ज्याझ्वः यासें थुकियात हानं न्ह्याकेगु तयारी जुयाच्वंगु खँ धाःगु दु । ख्यालिजुजु मदनकृष्ण श्रेष्ठ, नविन चित्रकार, श्रीराम श्रेष्ठ आदिपिं मुनासःया संस्थापक पदाधिकारी खः ।

येँ (नेपालभाषा टाइम्स)÷वंगु सोमवाः चान्हंनिसें मदिक्क वःगु वां स्वनिगःया थीथी खुसि बाः वयाः आपालं लागा डुबानय् लाःगु दु । येँया बागमति खुसि सिथय् च्वंगु सुकुम्बासी वस्ती, यलया शंखमुल पार्क सिथय् दुगु छेँय् खुसिबाः दुहां वंगु खः । उकिं यानाः आपालं धनमाल नोक्सान जूगु दु । कागेश्वरी मनोहरा नपा –७ य् चलः वनाः दुना वंगु टहराय् लानाः घाःपाः जूम्ह […]

येँ (नेपालभाषा टाइम्स)÷लुम्बिनी लागाया निपनिया दानव खुसि सिथय् लुया वःगु प्राचीन तुं व मेमेगु पुरातात्विक संरचना संरक्षण यायेगु लागिं लुम्बिनी विकास कोषं पलाः न्ह्याकूगु दु । आः नकतिनि लुम्बिनी विकास कोषया सदस्य सचिव सानुराजा शाक्यया नेतृत्वय् वंगु छगू पुचलं उगु थाय्या अध्ययन यासें खुसि लानाच्वंगु उगु प्राचीन तुंया उत्खनन् यायेगु खँ धाःगु दु । खुसि सिथय् लानाच्वंगु […]

येँ (नेपालभाषा टाइम्स)÷राष्ट्रिय आविष्कार केन्द्रया संस्थापक महावीर पुनयात सरकारं बिउगु विभूषण लिलामी मयायेत पौ च्वःगु दु । विभूषण लिलामीइ तयेगु गैरकानुनी खः धासें यदि तल धाःसा विभूषण हे रद्द जुइगु ब्यहोराया पौ गृह मन्त्रालयं पुनयात छ्वःगु खः । महावीर पुनं कृषि सामग्री कम्पनी सञ्चालनया नितिं सरकारं प्रतिबद्धता प्वंकू कथं ग्वाहालि मयाःगुलिं कीर्तिमय राष्ट्रदीप द्वितीय विभूषण सहित थीथी […]