बुखँ

येँ (नेपालभाषा टाइम्स)÷नेपाल–भाषा टाइम्स न्हिपौयात आदिवासी जनजाति पत्रकार महासंघ (फोनिज) पाखें सम्मान याइगु जूगु दु । महासंघं ‘फोनिज मातृभाषा पत्रकारिता सम्मानं’ नेपालभाषा टाइम्सयात हनेत्यंगु खः । फोनिजं पत्रकार दिलीप थापा मगरयात नं थ्व सम्मानं छायेपीत्यंगु दु । लिसें पत्रकारपिं किसन राई (मरणोपरान्त), देव पचभैया मगर, जीवन लामा र उन्नति चौधरीयात फोनिज राष्ट्रिय पत्रकारिता पुरस्कारपाखें सम्मान याइगु जूगु दु । […]

येँ (नेपालभाषा टाइम्स)- नेपाली कांग्रेसया सांसद सुनीलकुमार शर्मायात म्हिगः प्रहरीं ज्वंगु दु । शर्मायात केन्द्रीय अनुसन्धान ब्युरो (सीआईबी) या पुचलं गोल्फुटारय् च्वंगु वयागु छेँनं हे ज्वंगु खः । प्रहरीं सांसद शर्मायात शैक्षिक प्रमाणपत्र किर्ते याःगु द्वपनय् ज्वंगु खः । भारतया छगू शैक्षिक संस्थां जारी याःगु धाःगु प्रवीणता प्रमाणपत्र तहया शैक्षिक योग्यताया प्रमाणपत्र नक्कली लुइवं शर्मायात ज्वंगु खः । शर्माया […]

येँ (नेपालभाषा टाइम्स)- सरकारं नाफामूलक निजी विद्यालया स्थापना पनेगु कथं शिक्षा विधेयक हयेगु तयारी यायेवं उकिया विरुद्ध म्हिगः निजी विद्यालय सञ्चालकतय्गु संगठन प्याब्सन, एनप्याब्सन व हिसानं म्हिगः फिब्व ख्यलय् प्रदर्शन यात । शिक्षा वियेधकय् थौंकन्हय् सञ्चालन जुयाच्वंगु निजी विद्यालययात न्यादँया दुने गैरनाफामूलक शैक्षिक गुथिपाखें जक सञ्चालन यायेमाःगु प्रस्ताव यानातःगु दु । थ्व विधेयक संसदं हुबहु पारित जुल […]

येँ (नेपालभाषा टाइम्स)- येँया लुँवहः बजाः थौंकन्हय् सुनसान जुयाच्वंगु दु । मलमास लगे जूगुलिं लुँ न्याइपिं स्वयां लुँ मीत वइगु अप्वया वनाच्वंगु खँ लुँ व्यवसायीतय्सं धाःगु दु । थौंकन्हय् बैंकय् तकं लुँ स्टकय् लानाच्वंगु खँ नं नेपाल सुनचाँदी व्यवसायी महासंघया पुलांम्ह अध्यक्ष तेजरत्न शाक्यं ‘नेपालभाषा टाइम्स’यात कनादिल । लुँ न्याःपिं मदुसां लुँ मीपिं धाःसा अप्वया वनाच्वंगु खँ छम्ह […]

येँ (नेपालभाषा टाइम्स)- थनया टंकेश्वरय् च्वंगु नील बाराही माविं स्थानीय जनताया दिगुद्यः लिकयाः स्कुलया स्वाहाने दयेकूगु खँयात कयाः विरोध जूगु दु । म्हिगः स्थानीय जनता हे स्कुलय् वनाः दिगुद्यः थेंज्याःगु सम्पदा लिकायेगु ज्या यात धकाः विरोध याःगु खः । स्कुलया न्ह्यःने लानाच्वंगु दिगुद्यः लिकयाः आः स्कुलया कम्पाउण्ड दुने तयातःगु दु । थुकियात कयाः वहे वडाया अभियन्ता सुमन साय्मि […]

येँ (नेपालभाषा टाइम्स)÷नेपाल–भाषा टाइम्सया सहकार्यय् अमेरिकाय् न्ह्यानाच्वंगु नेवाः संवाद ज्याझ्वः ‘अमेरिकाय् नेवाः’ या १५० अंक व संक्षिप्त संवाद ज्याझ्वः ‘छिनाप झिंन्यागू मिनेटया छझाः’ ७५ अंक पूवंगु लसताय् म्हीग अमेरिकाया मेरिल्याण्डय् छगू ज्याझ्वः जुल । ज्याझ्वःया संयोजक प्रविण ताम्राकारया कुतलय् जूगु उगु ज्याझ्वलय् प्रत्यक्ष खँल्हाबल्हा, सांगीतिक ज्याझ्वःया नापनापं फेशन शो नं जूगु खः ।